جيىنعا «Egemen Qazaqstan» گازەتىنىڭ باسقارما توراعاسى دارحان قىدىرالى, شولۋشى سۇڭعات ءالىپباي, باسىلىمنىڭ مادەنيەت جانە رۋحانيات ءبولىمىنىڭ مەڭگەرۋشىسى تالعات باتىرحان, ەۋرازيا ۇلتتىق ۋنيۆەرسيتەتىنىڭ ساياساتتانۋ جانە جۋرناليستيكا فاكۋلتەتى دەكانى قايرات ساق, ءبىلىم ورداسىنىڭ ۇستازدارى, ستۋدەنتتەر قاتىستى.
ءىس-شارانى اشقان ساياساتتانۋ جانە جۋرناليستيكا فاكۋلتەتى دەكانى ق.ساق «Egemen Qazaqstan» باسىلىمىن مەرەيتويىمەن قۇتتىقتاپ, ەلىمىزدىڭ باس باسىلىمىنىڭ ەل ءباسپاسوزى تاريحىندا الاتىن ورنى ەرەكشە ەكەنىن اتاپ ءوتتى.
ال ءوز سوزىندە د.قىدىرالى ءبىلىم ورداسىنا وسىنداي يگى شارا وتكىزگەنى ءۇشىن العىسىن ايتىپ, اقپارات سالاسىنداعى وزەكتى ءماسەلەلەرگە توقتالدى. سونداي-اق «Egemen Qazaqstan» گازەتى باسىپ شىعارعان بىرنەشە كىتاپتى سىيعا تارتتى.
جيىن بارىسىندا س.ءالىپباي, ت.باتىرحان سەكىلدى اقپارات قازانىندا قايناعان تارلان جۋرناليستەر ءوز تاجىريبەسىمەن ءبولىسىپ, جۋرناليسكە قاجەتتى قارىم-قابىلەتتەر تۋرالى كەڭىنەن اڭگىمەلەدى. ءىس-شاراعا قاتىسقان ستۋدەنتتەر قاۋىمى كوكەيىندە جۇرگەن ساۋالدارىن قويىپ, وعان تۇشىمدى جاۋاپتار الدى.