قازاقستاندىق بيدايدى ساتىپ الۋ كولەمى بويىنشا وزبەكستان (43,5 ملن اقش دوللارى, جىلىنا 63%), تاجىكستان (21,3 ملن اقش دوللارىن قۇراپ, ءبىر جىلدا 2,1 ەسە وسكەن) جانە ءازىربايجان (14,5 ملن اقش دوللارى, ءبىر جىلدا بىردەن 5,1 ەسە ارتتى) ەلدەرى كوش باستاپ تۇر. ال الەمنىڭ باسقا ەلدەرى اراسىندا ەڭ ىرى يمپورتەرلەر – اۋعانستان (6,3 ملن اقش دولل), تۇركيا (2,6 ملن اقش دولل) جانە يتاليا (2,1 ملن اقش دولل قۇرادى, -70,3%). قر ۇكىمەتىندە وتكەن ءباسپاسوز ءماسليحاتىندا قر اۋىل شارۋاشىلىعى ۆيتسە-ءمينيسترى گۇلميرا يساەۆا قىتايعا بيداي جەتكىزۋ كولەمىن 1 ميلليون تونناعا دەيىن ارتتىرۋ جوسپارلانىپ وتىرعانىن ايتتى. سونداي-اق, قاڭتار ايىندا قازاقستان يرانمەن بيداي جونىندەگى مەموراندۋمعا قول قويعانىن اتاپ ءوتتى. 2019 جىلعى قاڭتاردا تمد ەلدەرى ءۇشىن قازاقستاندىق بيدايدىڭ ەكسپورتتىق باعاسى 32,7%-عا, الەمنىڭ باسقا ەلدەرى ءۇشىن 7,6% - عا ءوستى. جالپى, وسى جىلدىڭ العاشقى ايىنىڭ قورىتىندىسى بويىنشا بيدايدىڭ ەكسپورتتىق باعاسى 24,6% - عا قىمباتتاعان. 2018 جىلعى قاڭتار–جەلتوقسان ايلارىندا تمد ەلدەرى ءۇشىن قازاقستاندىق بيداي باعاسى 5,2% - عا ءوستى, قالعان ەلدەر ءۇشىن كەرىسىنشە 0,9% - عا ارزاندادى. وتكەن جىلدىڭ 12 ايىنىڭ قورىتىندىسى بويىنشا بيدايدىڭ ەكسپورتتىق باعاسى 3,2% - عا وسكەن. اقش اۋىل شارۋاشىلىعى مينيسترلىگىنىڭ ناۋرىزداعى شولۋىندا قازاقستان اۋىل شارۋاشىلىعى القاپتارىندا 2018-2019 جىلدارى بيداي ءوندىرۋ بولجامىن 7%-عا, ياعني 15 ملن-نان 13,95 ملن تونناعا دەيىن تومەندەتتى.
2018 جىلى بيدايدىڭ جالپى ءتۇسىمى 2017 جىلمەن سالىستىرعاندا 5,8% - عا تومەندەپ, 13,9 ملن توننانى قۇرادى. سونداي-اق 2017 جىلى دا اتالعان ءداندى داقىلدىڭ جالپى ءتۇسىمى 1,2% - عا ازايىپ, كولەمى 14,8 ملن تونناعا دەيىن كەمىگەن بولاتىن. 2018 جىلى ونىمدىلىك گەكتارىنا 12,3 تسەنتنەردى قۇرادى. بۇل وتكەن جىلمەن سالىستىرعاندا 0,9% - عا كەم. سونىمەن قاتار, اگرارشىلار جىل سايىن بيداي ساپاسىنىڭ ناشارلاپ بارا جاتقانىن اتاپ ءوتتى. بۇعان ماۋسىمدىق اۋا رايىنىڭ ەرەكشەلىكتەرى: سۋىق كوكتەم, جازدىڭ تىم ىلعالدى بولۋى, استىقتى كەش جيناۋ سياقتى ماسەلەلەر سەبەپ بولعان.
گۇلبارشىن ايتجانبايقىزى
«ەqemen Qazaqstan»
الماتى