جارىستىڭ ءبىرىنشى كۇنى 4-17 جاس ارالىعىنداعى كەز كەلگەن قاتىسۋشىلار باق سىنايتىن بولسا, ەكىنشى كۇنى جاسى 18-دەن جوعارى سپورتشىلار جارىس جولىنا شىعادى.
تۋرنير ABB ارەنادا IBJJF حالىقارالىق برازيليالىق دجيۋ-دجيتسۋ فەدەراتسياسى ەرەجەلەرىنە سايكەس ءتۇرلى سالماق دارەجەلەرى مەن جاس ايىرماشىلىعى بويىنشا وتكىزىلەدى. باستالۋى ساعات 10:30-دا (ەكى كۇن).
بۇل تۋرنيرگە قىزدار مەن ۇلدار قاتىسا الادى. ول ءۇشىن رەگلامەنتكە سايكەس www.arlangrip.kz نەمەسە www.smoothcomp.com سايتتارىنا تىركەلىپ, ءتيىستى قاراجات تولەۋ قاجەتتىگى كورسەتىلگەن.
تۋرنير ەلىمىزدە برازيليالىق دجيۋ-دجيتسۋ سپورت ءتۇرىن دامىتىپ, سپورت پەن سالاۋاتتى ءومىر سالتىن ناسيحاتتاۋ, سپورتشىلاردىڭ شەبەرلىكتەرىن ارتتىرۋ جانە ۇزدىكتەردى انىقتاۋعا قىزمەت جاسايدى.
جارىس قورىتىندىسى بويىنشا جەڭىمپازدار مەن جۇلدەگەرلەرگە ديپلومدار جانە ارنايى مەدالدار تابىستالادى.