سارسەنبى, 25 قاڭتار 2012 6:15
جۋىردا اقتوبە وبلىسىنىڭ ءىىد ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى قالاداعى زاڭسىز جاسىرىن جۇمىس جاساپ تۇرعان ويىنحانانى انىقتاپ, كولەڭكەلى بيزنەستىڭ جولىن كەستى.ءىىد قىزمەتكەرلەرىنە وبلىس ورتالىعىندا ءاليا مولداعۇلوۆا داڭعىلىنداعى ۇيلەردىڭ پاتەرىنىڭ بىرىندە زاڭسىز ويىن اۆتوماتتارىنىڭ زالى جۇمىس جاسايتىندىعى تۋرالى جەدەل اقپارات تۇسكەندىكتەن وسى مالىمەتتىڭ انىق-قانىعى تەكسەرىلدى. جەدەل ءىزدەستىرۋ شارالارى بارىسىنداعى پروكۋرور سانكتسياسى بويىنشا نىساندى ءتىنتۋ كەزىندە 14 ويىن اۆتوماتتارى, 1 ەلەكتروندىق رۋلەتكا جانە 93700 تەڭگە اقشا تاركىلەندى.
سارسەنبى, 25 قاڭتار 2012 6:15
جۋىردا اقتوبە وبلىسىنىڭ ءىىد ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى قالاداعى زاڭسىز جاسىرىن جۇمىس جاساپ تۇرعان ويىنحانانى انىقتاپ, كولەڭكەلى بيزنەستىڭ جولىن كەستى.ءىىد قىزمەتكەرلەرىنە وبلىس ورتالىعىندا ءاليا مولداعۇلوۆا داڭعىلىنداعى ۇيلەردىڭ پاتەرىنىڭ بىرىندە زاڭسىز ويىن اۆتوماتتارىنىڭ زالى جۇمىس جاسايتىندىعى تۋرالى جەدەل اقپارات تۇسكەندىكتەن وسى مالىمەتتىڭ انىق-قانىعى تەكسەرىلدى. جەدەل ءىزدەستىرۋ شارالارى بارىسىنداعى پروكۋرور سانكتسياسى بويىنشا نىساندى ءتىنتۋ كەزىندە 14 ويىن اۆتوماتتارى, 1 ەلەكتروندىق رۋلەتكا جانە 93700 تەڭگە اقشا تاركىلەندى. بۇل كەزدە وپەراتور, بارمەن جانە كۇزەتشى, سونىمەن قاتار, 3 قۇمار ويىنشى نىسان ىشىندە بولعان. الدىن الا تەرگەۋ بارىسىندا ويىنحانا نىسانىندا ويناۋشى ازاماتتار ويىن اۆتوماتتارىن وينار الدىندا پاتەرگە كەلمەس بۇرىن ءبىر-بىرىمەن تەلەفون ارقىلى كەلۋ ۋاقىتتارىن كەلىسىپ الاتىن بولىپتى. ءپاتەردەگى ويىنحانا كۇندىز-ءتۇنى ءۇزىلىسسىز جۇمىس جاساپ, كوشەدەن كىرەر ەسىككە ارنايى بەينەباقىلاۋ ورناتىلعان. ءبىر تاۋلىكتە تۇسەتىن ويىنحانا كلۋبىنىڭ تابىسى 200-400 مىڭ تەڭگە ەكەن. وسى دەرەك بويىنشا قر قك 269-شى «زاڭسىز ويىن بيزنەسىن ۇيىمداستىرۋ» بابىنا سايكەس قىلمىستىق ءىس قوزعالدى.
ءمادي قۋانىش ۇلى.