جيىن «اتامەكەن» قر ۇكپ باسقارما توراعاسى ابىلاي مىرزاحمەتوۆ جانە قر يندۋستريا جانە ينفراقۇرىلىمدىق دامۋ ءمينيسترى رومان سكلياردىڭ توراعالىعىمەن ءوتتى. جيىنعا بەينە-كونفەرەنتسيا ارقىلى وڭىردەگى جوبالىق القالاردىڭ وكىلدەرى قاتىستى.
جيىندى اشقان ابىلاي مىرزاحمەتوۆ باسىم جوبالاردى جەڭىلدىكپەن نەسيەلەۋ باعدارلاماسىنا قاتىسۋ شارتتارى جايىندا كاسىپكەرلەردى جان-جاقتى اقپاراتتاندىرۋ قاجەتتىلىگى تۋرالى مالىمدەدى.
«بيزنەستىڭ بارىنشا وسى جوباعا اتسالىسۋى ءبىز ءۇشىن ماڭىزدى. سوندىقتان وسى باعىتقا باسىمدىق بەرۋ قاجەت. «اتامەكەن» وڭىرلەردە باعدارلامانى ءتۇسىندىرۋ, نەسيەلەۋ مولشەرلەمەلەرى جانە سۋبسيديالاۋ شارتتارىن تالقىلاۋ بويىنشا جۇمىستى باستاپ كەتتى. ەلباسى تاپسىرماسى بويىنشا مۇنداي جۇمىس العاش رەت جۇرگىزىلىپ جاتىر, سوندىقتان بيزنەسكە بارىنشا اقپاراتتى جەتكىزۋ, ال بيزنەستىڭ باعدارلاماعا بەلسەندى اتسالىسۋى وتە ماڭىزدى», – دەدى ابىلاي مىرزاحمەتوۆ.
باعدارلامانى جۇزەگە اسىرۋدا بيۋروكراتياعا جول بەرمەۋ كەرەك, دەپ مالىمدەدى قر يندۋستريا جانە ينفراقۇرىلىمدىق دامۋ ءمينيسترى رومان سكليار.
«قازاقستاندىق يندۋستريا دامىتۋ ينستيتۋتى» اكتسيونەرلىك قوعامىمەن بىرلەسىپ, ءبىز جەڭىل ونەركاسىپ تاۋارلارى, جيھاز ونەركاسىبى جانە قۇرىلىس ماتەريالدار ءوندىرىسى بويىنشا جول كارتالارىن ازىرلەدىك. قازىر ماشينا جاساۋ سالاسىنىڭ جول كارتاسىن قۇرۋ بويىنشا جۇمىس ءجۇرىپ جاتىر. اكىمدىكتەر مەن باعدارلاماعا قاتىسۋشىلار اراسىندا قانداي دا ءبىر تۇسىنىسپەۋشىلىك پەن كەدەرگىلەرگە جول بەرمەي, ولاردى الدىن الىپ, وسى جوبالىق القادا شەشىپ وتىرۋدى ۇسىنامىن. ول ءۇشىن ءبىز بيزنەس وكىلدەرىمەن اپتا سايىن كەزدەسىپ, كۇن تارتىبىندەگى بارلىق ماسەلەلەردى تىكەلەي تالقىلايتىن بولامىز. جوبالىق القانىڭ شەشىمى – سوڭعى شەشىم ەكەنىن ءتۇسىنۋ كەرەك», – دەدى رومان سكليار.
وڭىرلەردەگى وكىلدەردىڭ حابارلاۋىنشا, كاسىپكەرلەر دە باعدارلاماعا قاتىسۋعا قىزىعۋشىلىق تانىتۋدا. شىعىس قازاقستان وبلىسىندا اگروونەركاسىپتىك كەشەن, تۋريزم, جەڭىل ونەركاسىبى جانە جيھاز ونەركاسىبى سالالارىنان باعدارلاماعا قاتىسۋعا 24 كاسىپورىن ءوتىنىم بەردى, 2 جوبا بانكتىڭ ماقۇلداۋىن ءوتىپ جاتىر. شىمكەنتتە جوبالىق القانىڭ ءبىر اپتالىق جۇمىسىنىڭ ناتيجەسىندە كاسىپورىنداردان جالپى سوماسى 39 ملرد تەڭگەگە 39 ءوتىنىم كەلىپ ءتۇستى. ونىڭ ىشىندە 26 ءوتىنىم جوبانى ازىرلەۋ كەزەڭىندە, 4 جوبا بانك قاراۋىنا جىبەرىلدى, 4 جوبا – بيزنەس-جوسپار قۇرۋ كەزەڭىندە.
ەستەرىڭىزگە سالساق, وبلىس دەڭگەيىندەگى جوبالىق القالار وڭىرلىك كاسىپكەرلەر پالاتالارى جانىندا اكىمدىكتەر, بانكتەر, «دامۋ» قورىنىڭ فيليالدارى, بيزنەس-قوعامداستىقتاردىڭ قاتىسۋىمەن جۇمىس ىستەپ جاتىر.
باعدارلاماعا قاتىسۋعا نيەت تانىتقان كاسىپورىندار اراسىندا ساۋالناما جۇرگىزۋ – جوبالىق القا جۇمىسىنىڭ ماڭىزدى كەزەڭى بولماق. ساۋالناما بانكتەر ءوتىنىشىن ماقۇلداماعان كومپانيالاردى انىقتاۋعا جانە سالاداعى وزەكتى ماسەلەلەردى بىلۋگە مۇمكىندىك بەرەدى.
ء«ار اپتا سايىن اقپاراتتى جيناقتاپ, بيزنەسپەن تالقىلايتىن بولامىز. كاسىپورىندارعا قولدانىستاعى باعدارلامالار اياسىندا قولداۋ شارالارىن تۇسىندىرەمىز. جۇمىس ساپارىمەن وڭىرلەرگە بارىپ, كاسىپكەرلەرمەن كەزدەستىك. بيزنەس ءوسىپ, كەڭەيگىسى كەلەدى, الايدا ەكىنشى دەڭگەيلى بانكتەردىڭ كەپىلدىككە قاتىستى تالابى ءالى دە وزەكتى. كاسىپكەرلەردىڭ جوبالارى تولىق جۇزەگە اسقانشا بارىنشا سۇيەمەلدەپ وتىرۋعا مۇمكىندىك تە بار», – دەدى «قازاقستاندىق يندۋستريا دامىتۋ ينستيتۋتى» اق باسقارما ءتورايىمى دانا ءجۇنىسوۆا.
كاسىپكەرلەر باعدارلاماعا قاتىستى اقپاراتتى, سونداي-اق قاجەتتى كەڭەستى وڭىرلىك كاسىپكەرلەر پالاتاسى جانىندا قۇرىلعان جوبالىق القادان الۋىنا بولادى.
ەستەرىڭىزگە سالساق, بيىل ەلباسىنىڭ تاپسىرماسىمەن حالىق تۇتىناتىن تاۋارلاردى, سونداي-اق شيكىزات جانە باستاپقى وڭدەۋ ونىمدەر ءوندىرىسىن قولداۋعا ۇكىمەتتەن 600 ملرد تەڭگە ءبولىندى. اتاپ ايتقاندا, بۇل قاراجات وڭدەۋ ونەركاسىبى, اگروونەركاسىپ كەشەنىن دامىتۋ مەن قولداۋعا باعىتتالادى.
ايتا كەتەلىك, باعدارلاما اياسىندا دايىن ءونىم وندىرىسىنە عانا ەمەس, سونداي-اق قاجەتتى شيكىزات جانە باستاپقى وندەۋ ونىمدەرىن شىعارۋعا قولداۋ كورسەتىلەدى.
قازىرگى تاڭدا باعدارلاما جۇمىسىنا ەكىنشى دەڭگەيلى 9 بانك قوسىلدى. قارجىلاندىرۋعا قول جەتكىزۋ ءۇشىن كاسىپكەر بانككە ءوتىنىم جىبەرىپ, بيزنەس جوبانى باعالاۋ جانە ماقۇلداۋ پروتسەدۋرالارىنان ءوتىپ, «دامۋ» كاسىپكەرلىكتى دامىتۋ قورىنا جۇگىنۋى قاجەت.