پارلامەنت سەناتىنىڭ جالپى وتىرىسىندا دەپۋتات قايرات قوجامجاروۆتىڭ انت بەرۋى ءراسىمى ءوتتى.
«قازاقستان حالقىنا ادال قىزمەت ەتۋگە, قازاقستان رەسپۋبليكاسىنىڭ تۇتاستىعى مەن تاۋەلسىزدىگىن نىعايتۋعا, ونىڭ كونستيتۋتسياسى مەن زاڭدارىنا قاتاڭ باعىنۋعا, دەپۋتاتتىڭ وزىمە جۇكتەلگەن مارتەبەلى مىندەتتەرىن ادال اتقارۋعا انت ەتەمىن!», - دەدى قايرات قوجامجاروۆ.
سونىمەن قاتار ق. قوجامجاروۆ سەناتتىڭ تۇراقتى كوميتەتىنىڭ قۇرامىنا سايلاندى. ول حالىقارالىق قاتىناستار, قورعانىس جانە قاۋىپسىزدىك تۇراقتى كوميتەتىنىڭ مۇشەسى بولدى.
ەستەرىڭىزگە سالا كەتەيىك, مەملەكەت باسشىسىنىڭ جارلىعىمەن قايرات پەرنەش ۇلى قوجامجاروۆ قازاقستان رەسپۋبليكاسى پارلامەنتى سەناتىنىڭ دەپۋتاتى بولىپ تاعايىندالدى.
ول بۇعان دەيىن قر باس پروكۋرورى قىزمەتىن اتقارعان بولاتىن. ايتا كەتەيىك, پارلامەنت سەناتىنىڭ جالپى وتىرىسىندا دارحان ساتىبالدىنىڭ دەپۋتاتتىق وكىلەتتىگىن توقتاتۋ تۋرالى شەشىم قابىلداندى.
ەستەرىڭىزگە سالا كەتەيىك, جاقىندا دارحان امانگەلدى ۇلى ساتىبالدى قازاقستان رەسپۋبليكاسىنىڭ وزبەكستان رەسپۋبليكاسىنداعى توتەنشە جانە وكىلەتتى ەلشىسى قىزمەتىنە تاعايىندالدى.