«جايساڭ اۆتو» شەكارالىق باقىلاۋ بولىمشەسىندە 41 جاستاعى رەسەيلىك ۇستالدى. ول «گاز 2834» اۆتوكولىگىندە رەسەيگە قاراي جالپى سالماعى 1000 كگ اۆتوموبيلدەردىڭ قوسالقى بولشەكتەرىن زاڭسىز الىپ وتپەك بولعان ەكەن. بۇل تۋرالى قر ۇقك شق ءباسپاسوز قىزمەتى حابارلادى.
«اكتىلەنىپ, اقتوبە وبلىسى بويىنشا مەملەكەتتىك كىرىس دەپارتامەنتىنە تاپسىرىلعان زاتتاردىڭ جالپى قۇنى - 1 600 000 تەڭگەنى قۇرادى. ءدال وسى بەكەتتە رەسەيگە بەت العان 30 جاستاعى قازاقستاندىقتان ۆەلوسيپەدتەرگە ارنالعان 300 دوڭگەلەك پەن 100 دانا جىلدامدىق اۋىستىرۋ مەحانيزمدەرى, ونىمەن قۇرداس قازاقستاندىق ازاماتشادان 1200 كگ داقىلدار, 1965 جىلعى رەسەيلىكتەن 70 كگ وزەن شاياندارى تابىلىپ, مكد قىزمەتكەرلەرىنە تاپسىرىلدى», دەلىنگەن حابارلامادا.
وسى وتريادتىڭ «الىمبەت اۆتو» بولىمشەسىندە 29 جاستاعى قازاقستاندىق رەسەيگە زاڭسىز اكەتىپ بارا جاتقان 8000 دانا شارۋاشىلىق سىپىرتقىلارىمەن ۇستالدى.