جىلى مەزگىلدەردىڭ باستالۋى مەن تەرەزەلەردى اشۋ ماۋسىمىنا بايلانىستى اتا-انالارعا بالالارىنىڭ قاۋىپسىزدىگى تۋرالى ەسكەرتەمىز.
وتكەن جىلى استانادا بالالاردىڭ تەرەزەدەن قۇلاۋى بويىنشا 30-عا جۋىق وقيعا ورىن الدى, دەپ حابارلايدى قالا اكىمدىگىنىڭ رەسمي سايتى.
جەرگىلىكتى پوليتسيا قىزمەتىندە بەلگىلى بولعانداي, كوپتەگەن جازاتايىم وقيعالار ەرەسەكتەر ۇيىندە جوق كەزدە نەمەسە ولاردىڭ بالا قاۋىپسىزدىگىنە نەمقۇرايلى قاراۋىنان ورى الادى. تەرەزەدەن قۇلاۋ - بالالاردىڭ جاراقاتتانۋىنىڭ نەگىزگى سەبەپتەرىنىڭ ءبىرى.
«وتكەن جىلى استانادا بالالاردىڭ تەرەزەدەن قۇلاۋى بويىنشا 30-عا جۋىق وقيعا ورىن الدى», – دەپ مالىمدەدى ۆەدومستۆودا.
وسىعان بايلانىستى پوليتسيا دەپارتامەنتى كامەلەت جاسىنا تولماعان بالالاردىڭ اتا-انالارىنا كەلەسى كەڭەستەردى ۇسىنادى.
«قۇلاۋ جاعدايلارىنىڭ كوپشىلىگى اتا-انالار بالالاردى قاراۋسىز قالدىرعاندا ورىن الادى. كىشكەنتاي بالالارىڭىزدى جالعىز قالدىرماڭىز; بالاڭىز تەرەزە الدىنا ءوز بەتىمەن كوتەرىلە المايتىنداي جيھازدىڭ بارلىق تۇرلەرىن تەرەزەنىڭ جانىنان الىپ تاستاڭىز; بالاڭىز تەرەزەنى ءوز بەتىمەن اشا المايتىنداي, ارنايى بەكىتكىشتەردى تەرەزەلەرگە ورناتىڭىز. ەسىڭىزدە بولسىن! بالالاردىڭ ءومىرى مەن دەنساۋلىعىن ساقتاۋ – ەرەسەكتەردىڭ باستى مىندەتى», –دەيدى پوليتسەيلەر.