ەلوردا اتاۋىنىڭ «نۇر-سۇلتان» بولىپ وزگەرۋىن جەتىسۋلىقتار قۋانىا قۇپتاپ, مەرەكەلەدى. تالدىقورعانداعى «جاستار» ساياباعىندا وتكەن ۇلكەن شاراعا ءۇن قوسۋعا 23 000 ادام جينالدى.
ىزگى تىلەك پەن جالىندى ۇرانداردىڭ سوڭى مەرەكەلىك كونتسەرتكە ۇلاستى. ساياباقتاعى كەشتىڭ ءسانىن جەتىسۋلىقتاردى قۇتتىقتاۋعا كەلگەن ەسترادا انشىلەرى كىرگىزدى. ءمادينا سادۋاقاسوۆا, تورەعالي تورەالى, جانار دۇعالوۆا, ءالي وقاپوۆ سياقتى تانىمال ونەرپازدار جانە «التىناي», «گورەتس» بي انسامبلدەرىنىڭ ونەرىن جينالعاندار جىلى قابىلدادى. كوڭىلدىڭ كەشتىڭ سوڭى تۇنگى وتشاشۋعا ۇلاستى.
استانا قالاسىنىڭ اتىن «نۇر-«سۇلتان» اتاۋىنا اۋىستىرىلۋىن قولداۋشىلار اراسىندا جاستار لەگى كوپ ەكەن. جەتىسۋلىق جاس ۇرپاق وكىلدەرى پرەزيدەنت قاسىم-جومارت توقاەۆتىڭ ەلوردا اتاۋىن نۇرسۇلتان نازارباەۆتىڭ اتىنا بەرۋ جايلى ۇسىنىسىن قولدايتىندىقتارىن ايتادى.
- ەلباسى نۇرسۇلتان نازارباەۆ تاۋەلسىزدىك العان العاشقى جىلداردان بەرى مەملەكەتتىڭ دامىعان ەلدەر قاتارىنا قوسىلۋى ءۇشىن ايانباي تەر توكتى. حالىقتىڭ تۇرمىستىق جاعدايى كوتەرىلىپ, ەل ەكونوميكاسى ورىستەدى. ماقتانىشىمىزعا اينالعان استانا قالاسى بوي كوتەردى, - دەيدى جاس جۋرناليست ماۋلەن انەرباي.
قالماحانبەت مۇقامەتقالي,
«Egemen Qazaqstan»
الماتى وبلىسى