نەيروحيرۋرگتەردىڭ جاڭا تابىسى

ادام بالاسىنىڭ قيمىل-قوزعالىسىندا, جالپى تىرشىلىگىندە ومىرتقا جوتاسىنىڭ اتقارار قىزمەتى ولشەۋسىز. كەڭەس زامانىندا اسكەري قىزمەت اتقارعان وفيتسەر, اۋعانستاندا وت پەن وق­تىڭ وتىنەن امان شىققان الەك­ساندر زانوزين 59 جاسقا قاراعان شا­عىندا ومىرتقاسىنىڭ قات­تى اۋرۋىنان دەنساۋلىعى تومەن­دەپ, ج ۇلىننىڭ قىسىلۋىنا ومىرت­قانىڭ بۇرىشتىق دەفورماتسيا­سى قوسىلىپ, 2018 جىلدىڭ تامى­زىنان باستاپ ءوز بەتىنشە ءجۇرىپ-تۇرا المايتىن حالگە جەتەدى. ومىرت­قاداعى سوزىلمالى قابى­نۋ قاننىڭ بۇزىلۋىنا, سونى­مەن قاتار نەۆرولوگيالىق سيمپ­تو­ماتيكانىڭ دامۋىنا, اتاپ ايت­قاندا, اياقتاعى السىزدىككە, ۇيىپ قالۋعا اكەلگەن. 

پاتسيەنتتىڭ وسىنداي جاع­دايىندا قانداي كومەك بەرۋگە بولادى دەگەن كونسيليۋم زا­قىم­دالعان 3 بىردەي كەۋدە ومىرتقاسىن تۇبەگەيلى الىپ تاستاۋ قاجەت دەگەن ۇيعارىمعا كەلەدى. سونىمەن, 22 اقپاندا ورتالىقتىڭ ج ۇلىن نەي­روحيرۋرگتەرى 3 كەۋدە ومىرت­قاسىن قابىنۋ دەسترۋكتسياسىمەن بىرگە تولىعىمەن الىپ تاستاپ, ونىڭ ورنىن ومىرتقانىڭ جاساندى يمپلانتتارىمەن الماستىرىپ, 10 ساعاتتىق كۇردەلى وپەراتسيا جاسادى. 

ومىرتقالاردىڭ قولقا, جۇرەك, وكپە جانە قان تامىرلارعا جاقىن ورنالاسۋىنا قوسا ج ۇلىن مەن ودان شىعاتىن ورىمدەردىڭ, جالپى نەرۆ جۇيەسىنىڭ تۇتاستىعىن, بۇتىندىگىن ساقتاپ قالۋ, فيزيولوگيالىق بىلىك پەن ومىرتقا جوتاسىنىڭ تىرەك فۋنكتسياسىن قالپىنا كەل­تىرۋ سىن­دى بىرنەشە مىندەتتى قا­تار قوي­عان وپەراتسيا اسا ءبىر ىج­دا­ھات­تىلىقتى تالاپ ەتتى. 

جالپى, ورتالىقتا ومىرت­قالاردى تۇبەگەيلى الىپ تاستايتىن بۇعان ۇقساس وپەراتسيالار بۇرىن دا اتقارىلعان بولاتىن. الايدا وسى جولى نەيروحيرۋرگ­تەر قابىنۋ دەسترۋكتسياسى بار ومىرت­قاعا العاش رەت كۇردەلى وپە­را­تسيا جاساۋعا بەل بۋدى. ءدال بۇلاي كۇردەلى وپەراتسيالار­دى ءساتتى وتكىزۋ قازىرگى زامان­عى دياگ­نوستيكالىق جانە وپەرا­تسيا­لىق قۇرال-جابدىقتارى, جوعارى سا­نات­تى ماماندارى, سونىمەن قا­تار ولاردىڭ اراسىنداعى جۇمىس ۇيلە­­سىمدىگى ورناعان جو­عا­رى ما­مان­­دان­دىرىلعان ورتالىقتا عانا قول جەت­كىزىلۋى مۇمكىن. 

وپەراتسيا ءساتتى ءوتتى. قا­زىر­گى ۋا­قىتتا الەكساندر ءزانو­زين­نىڭ دەن­ساۋلىق جاعدايى قاناعات­تا­نار­لىق دارەجەدە. 

انار تولەۋحانقىزى,

«Egemen Qazaqstan»