بۇگىن م.ح.دۋلاتي اتىنداعى تاراز مەملەكەتتىك ۋنيۆەرسيتەتىندە ەلوردانىڭ نۇر-سۇلتان اتاۋىنا اۋىستىرىلۋىن قولداۋ بويىنشا فورۋم ءوتتى. اتالعان ءىس-شارادا قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ 2019 جىلعى 23 ناۋرىزداعى №6 جارلىعىمەن قازاقستان رەسپۋبليكاسىنىڭ استاناسى – نۇر-سۇلتان قالاسى بولىپ قايتا اتالۋى, ەل پرەزيدەنتىنىڭ بۇل تاريحي شەشىمى – قازاقستان رەسپۋبليكاسى پارلامەنتىمەن ءبىراۋىزدان ماقۇلدانعان, ەلىمىزدىڭ ساياسي دامۋىنداعى قالىپتى جاعداي بولىپ تابىلاتىندىعى تۋرالى اڭگىمەلەندى.
1998 جىلى بوي كوتەرىپ, از عانا ۋاقىتتا الەم نازارىنا ىلىككەن استانا – وسى ۋاقىت ارالىعىندا ەلىمىزدىڭ بارلىق ايماقتارىن ستارتەگيالىق تۇرعىدا بىرىكتىرىپ, وڭىرلەردىڭ دامۋىنىڭ درايۆەرىنە اينالدى. بۇل جەتىستىكتەر قازاقستاننىڭ تۇڭعىش پرەزيدەنتى, ەلباسى نۇرسۇلتان ابىش ۇلىمەن ستراتەگيالىق تۇرعىدا جوسپارلانىپ, جۇزەگە اسىرىلعانى حالىقتىڭ جادىندا. وسى رەتتە, استانانىڭ اتاۋىن نۇر-سۇلتان دەپ وزگەرتۋ بىرىنشىدەن ەلباسىنىڭ ەڭبەگىنە لايىقتى قۇرمەت كورسەتۋ بولسا, ەكىنشىدەن ەلباسىنىڭ ساياسي باعىتىنىڭ ساباقتاستىعىنىڭ كەپىلى بولىپ تابىلاتىندىعى باياندالدى. وسىعان بايلانىستى, اتالعان ءىس-شارادا ۋنيۆەرسيتەت ۇجىمى تاريحي شەشىمگە قولداۋ ءبىلدىرىپ, استانانىڭ نۇر-سۇلتان بولىپ اتالۋىنا ءبىراۋىزدان كەلىسەتىنىن جەتكىزدى.
فورۋمدا اتالعان وقۋ ورداسىنىڭ ءبىرىنشى پرورەكتورى اسقار ابدۋالى, «مادەنيەت جانە ونەر» كافەدراسىنىڭ مەڭگەرۋشىسى ايگۇل كابيەۆا, «فيلوسوفيا جانە ساياساتتانۋ» كافەدراسىنىڭ مەڭگەرۋشىسى دينا كولباەۆا, فيلوسوفيا عىلىمدارىنىڭ دوكتورى ساكەن وماروۆ جانە تاعى دا باسقا وقىتۋشىلار مەن ستۋدەنتتەر مىنبەرگە شىعىپ ءسوز الىپ, ءوز ويلارىمەن ءبولىستى. سونىمەن قاتار, تارمۋ «زاڭ» فاكۋلتەتىنىڭ ستۋدەنتى بەكزات جۇماليەۆ ۇندەۋ وقىدى. شارا سوڭىندا كورەرمەن قاۋىم كونتسەرتتىك باعدارلامانى تاماشالادى.
حاميت ەسامان,
«Egemen Qazagstan»
جامبىل وبلىسى