شەكاراشىلار زاڭ بۇزۋشىلاردىڭ جولىن كەستى

سالتاتتى ادام شەكارالىق اسپارا وزەنىنەن ءوتىپ, مەملەكەتتىك شەكارانىڭ سىمتەمىر قورعانىن كەسىپ بەرگى بەتكە وتە باتاعان كەزدە كەلىپ قالعان شەكارا ناريادىن كورىپ كەرى قاراي جالت بۇرىلدى. كورىنبەيتىن سىمتەمىرلى كەدەرگىگە شىرماتىلىپ قالعان اتىن تاستاي سالىپ, شەكارا بۇزۋشى جاياۋ قاشىپ, كورشى ەلدىڭ اۋماعىنا كىرىپ ۇلگەردى. اتتى قولعا تۇسىرگەن قازاقستاندىق شەكاراشىلار كورشىلەس مەملەكەتتىڭ شەكاراشىلارىن بولعان جاعداي تۋرالى قۇلاقتاندىردى;

قورعاستا مەديتسينالىق زاتتار كونترابانداسىمەن 25 جاستاعى قازاقستاندىقتى ۇستادى.

ۇستالعان ازامات حالىقارالىق شەكارا بويى ىنتىماقتاستىعى ورتالىعىنان وزىمەن بىرگە 4 قوراپ حۋرۋرگيالىق جىپتەر مەن ينەلەر, 1 قوراپ اناليزدەر جيناۋعا ارنالعان ۆاكۋتەينەرلەر الا كىرمەك بولىپتى. كونتراباندالىق جۇكتىڭ جالپى سالماعى 28 كگ;

«وڭتۇستىك» وڭىرلىك باسقارماسىنىڭ اۋماعىنداعى «ب. قونىسباەۆ-اۆتو» بولىمشەسىندە وزبەكستاننان قاكزاقستانعا قاراي 1000 دانا ايەلدەر سومكەسىن ەنگىزبەك بولعان رەسەيلىكتى ۇستادى;

وسى «وڭتۇستىك» وڭىرلىك باسقارماسىنىڭ «ب. قونىسباەۆ-اۆتو»,  «جەتىساي-اۆتو»,  «اتامەكەن-اۆتو»,  «ايشا-ءبيبى» بولىمشەلەرىندە 400 ليترگە جۋىق جانار-جاعارماي ونىمدەرى مەن 42 توننا تۇرمىستىق پەش وتىنىن, 21 توننا «بەنزونول بي-92» ءونىمىن ەلدەن زاڭسىز الىپ شىعۋعا توسقاۋىل بولدى.

اقتوبە شەكارا وتريادىنىڭ «جايساڭ-اۆتو» بولىمشەسىندە 200 كگ شايدى, 38 توننا تەپلوۆوزدىڭ قوسالقى بولشەكتەرىن,  «الىمبەت-اۆتو» بولىمشەسىندە 20 000 كگ فاسول, كوك بۇرشاق, كۇرىش, كەپتىرىلگەن قارا ورىك ونىمدەرىن رەسەيگە زاڭسىز الىپ شىقپاقشى بولعان ءتورت قازاقستاندىقتى ۇستادى.

قوردايدا جالپى كولەمى 30 ليترعا جۋىق زاڭسىز الكوگول ونىمدەرىن ەلگە كىرگىزبەدى, 500 كگ قىمبات باعالى مۇزدالعان بالىقتاردى ەلدەن شىعارماي الىپ قالدى.

«مەركە» تەكسەرىپ-وتكىزۋ پۋنكىتىندە كورشى ەلدەن 10 تونناعا جۋىق ۇيرەك ءتوسىن الىپ كىرمەك بولعان قازاقستاندىقتى ۇستادى.

تەڭىز شەكاراشىلارى «الماتى», «اتىراۋ», «كوگەرشىن-650» شەكارالىق كاتەرلەرىمەن جالپى كولەمى 2100 مەتر اۋ تاۋىپ,  قاۋىپسىزدەندىرىپ,  جۇزدەگەن كگ بەكىرە تۇقىمداس بالىقتار مەن تيۋلەندەردى قۇتقارىپ قالدى. مەملەكەتكە 1 732 150 تەڭگە كولەمىندە شىعىن كەلتىرۋدىڭ الدى الىندى.