قىتايدىڭ شىعىسىنداعى حيميا زاۋىتىندا بولعان جارىلىستىڭ قۇرباندارىنىڭ سانى 47 ادامعا جەتكەن. تاعى 90 ادام اۋىر جاراقات العان.
جارىلىس جەرگىلىكتى ۋاقىت بويىنشا 14:50 شاماسىندا) بەيسەنبىدە يانچەن (تسزيانسۋ پروۆينتسياسى) وكرۋگىندەگى «تسزيانسۋ تيانتسزياي» زاۋىتىندا ورىن العان. ونىڭ وپەراتورى – Tianjiayi Chemical كومپانياسى. كاسىپورىن تىڭايتقىش وندىرۋمەن اينالىسادى.
قۋاتتى جارىلىستىڭ ارتىنشا الاپات ءورت بولىپ, كورشى عيماراتقا دا اسەر ەتكەن.
جارىلىس پەن ارتىنشا ورىن العان ءورت سالدارىنان بارلىعى 640 ادام اۋرۋحاناعا جاتقىزىلعان. كوپ ناۋقاستاردىڭ جاعدايى مۇشكىل, ال ونداعان ادامنىڭ جاراقاتتانۋى اۋىر دەپ باعالاندى.
جارىلىس تولقىنى وقيعادان شامامەن 5 كم راديۋستا ورنالاسقان عيماراتتارعا جەتكەن. قىتاي بيلىگىنىڭ مالىمەتتەرى بويىنشا, جارىلىس كەزىندە 2,2 ماگنيتۋداسى بار تەربەلىس تىركەلىپتى.