كەنشىلەر استاناسىندا عارىشقا اپارىلعان دولانا تۇقىمى الداعى ۋاقىتتا سالىااتىن «عارىش» ساياباعىندا جانە ە.ا. بوكەتوۆ اتىنداعى قارمۋ-دىڭ باس كورپۋسىنىڭ اۋماعىنا ەگىلەتىن بولادى.
– تۇقىمدار 2018 جىلدىڭ 2 ساۋىرىندە عارىشقا ۇشقان SpaceX Dragon كەمەسىنىڭ بورتىندا بولدى. 2018 جىلدىڭ 4 ساۋىرىندە ولار حالىقارالىق عارىش ستانساسىنا جەتكىزىلدى. سونان سوڭ 5 مامىردا جەرگە قايتا ورالدى. مەندە تۇقىمداردىڭ 20 ميلليون شاقىرىمنان استام ساپار شەگىپ قايتقانىن راستايتىن ءۇش تىلدە جازىلعان حات بار. تۇقىمداردى وسىندا جەتكىزگەنىمىزگە وتە قۋانىشتىمىن. ءسال كەشىكسەك تە, قاراعاندىداعى ەگۋ ناۋقانىنا ۇلگەردىك, – دەيدى اەروعارىش ينجەنەرى, رەسەيدەگى NASA ۇيىمىنىڭ وكىلى چەد روۋ.
دولانانىڭ ءوسۋىن قارمۋ-دىڭ ستۋدەنتتەرى مەن وقىتۋشىلارى باقىلايتىن بولادى. جالپى, اتالعان ۋنيۆەرسيتەتتىڭ جوسپارىندا NASA ۇيىمىمەن ىنتىماقتاستىقتى جالعاستىرۋ جانە وسىمدىكتەرگە عارىشتىق ساۋلەلەنۋدىڭ اسەرىن ەگجەي-تەگجەيلى زەرتتەۋدى ءارى قاراي جالعاستىرۋ بار.
قايرات ءابىلدا,
«ەگەمەن قازاقستان»
قاراعاندى