سۇلتان بەيبارىس الاڭىندا جاڭا جولاۋشىلار كولىگىن پايدالانۋعا بەرۋ سالتاناتتى ءراسىمى ءوتتى. بۇل تۋرالى اتىراۋ قالاسى اكىمدىگىنىڭ ءباسپاسوز قىزمەتى حابارلادى.
ناۋرىز مەيرامى قارساڭىندا سەمەي قالاسى وندىرەتىن 30 جاڭا اۆتوبۋس پايدالانۋعا بەرىلدى. قوعامدىق كولىك «تەڭىزشەۆرويل» جشس دەمەۋشىلىگىمەن ساتىپ الىندى.
- بۇگىنگى تاڭدا «تەڭىزشەۆرويل» جشس «سارىارقااۆتوپروم» جشس وندىرۋشىسىمەن 50 «ANKAI» ماركالى اۆتوبۋستارىن ساتىپ الۋ جونىندە كەلىسىم جاساستى. سونىمەن قاتار, «تەڭىزشەۆرويل» جشس مەن اتىراۋ وبلىسىنىڭ اكىمدىگى اراسىندا جولاۋشىلار تاسىمالىن ۇيىمداستىرۋ ءۇشىن اۆتوبۋستاردى تەگىن بەرۋ تۋرالى كەلىسىم جاسالدى. قازىرگى تاڭدا 30 اۆتوبۋس جەتكىزىلدى, اعىمداعى جىلدىڭ ءساۋىر ايىندا تاعى 20 كولىك بىرلىگىن جەتكىزۋ جوسپارلانۋدا, - دەيدى اكك «اتىراۋ» اق باسقارما توراعاسىنىڭ ورىنباسارى امانتاي ايتباەۆ.
امانتاي ايتباەۆتىڭ ايتۋىنشا, «ANKAI» اۆتوبۋسى «Akzhayik Avtopark» جشس قۇرعان اۆتوتۇراق بالانسىنا تۇسەدى, ولار مۇمكىندىگى شەكتەۋلى جاندارعا ارنالعان پاندۋستاردىڭ جانە ساندىق تاقتانىڭ بولۋىنا بايلانىستى ورتالىق قالالىق باعىتتارعا جىبەرىلەدى. Daewoo اۆتوبۋستارىنا «اtyrau-اvtopark» اۆتوتۇراعى قالعان قالالىق باعىتتار بويىنشا جۇمىس ىستەيتىن بولادى.
- اتىراۋ وبلىسىنىڭ اكىمى نۇرلان نوعاەۆتىڭ تاپسىرماسى بويىنشا اتىراۋدا قوعامدىق كولىكتى دامىتۋ تۇجىرىمداماسى ءساتتى جۇزەگە اسىرىلۋدا. جوبا اياسىندا 91 جاڭا اۆتوبۋس ساتىپ الىندى, ال وتكەن جىلدىڭ قازانىندا قوعامدىق كولىكتە ەلەكتروندى بيلەتتەر جۇيەسى ەنگىزىلدى. وسىلايشا, بۇگىن اتىراۋدا شامامەن 30 مارشرۋت بار, ونىڭ ىشىندە 190 اۆتوبۋس جۇرەدى. ەلەكتروندىق بيلەتتەردى ساتۋ جۇيەسى 12 مارشرۋت بويىنشا جۇزەگە اسىرىلدى, ونىڭ ىشىندە 130 اۆتوبۋس جۇمىس ىستەيدى, - دەيدى اتىراۋ قالاسىنىڭ اكىمى اليمۇحاممەد قۇتتىمۇرات ۇلى.
پاندۋستارى بار جاڭا اۆتوبۋستاردى مۇمكىندىگى شەكتەۋلى جاندار سىناقتان وتكىزدى. ءولاردان وز بەتىمەن كوتەرىلىپ, ءتۇسۋىن سۇرادى.
- اتىراۋ ءۇشىن بۇل - شىنىمەن جاڭاشىلدىق. ءبىز اتىراۋ قالاسىنىڭ اكىمىنە بىرنەشە رەت مۇمكىندىگى شەكتەۋلى ءجاندار ۇشىن قوعامدىق كولىكتەگى قولجەتىمدىلىكتى قۇرۋ قاجەتتىلىگى تۋرالى بىرنەشە رەت ءوتىنىش بىلدىردىك. ءبىز ماسەلەنىڭ بىرتە-بىرتە شەشىلىپ جاتقانىنا وتە ريزامىز. اۆتوبۋستار مۇگەدەكتەرگە تولىعىمەن بەيىمدەلگەن, - دەيدى ارباعا تاڭىلعان قىز جانار داۋلەت.
ايتا كەتەيىك, اتىراۋ وبلىسى اكىمىنىڭ تاپسىرماسى بويىنشا وبلىستا قوعامدىق كولىكتى دامىتۋ تۇجىرىمداماسى جۇزەگە اسىرىلۋدا. جوبا شەڭبەرىندە قوعامدىق كولىك جاڭارتىلدى, وتكەن جىلدىڭ قازانىنان باستاپ ەلەكتروندى بيلەت جۇيەسى ەنگىزىلدى. جولاۋشىلار تاسىمالى سالاسىندا قىزمەت كورسەتۋ ساپاسىن ارتتىرۋ ماقساتىندا ەكى جاڭا اۆتوتۇراق قۇرىلدى, قوعامدىق كولىكتەگى بۇزۋشىلىقتاردىڭ الدىن الۋ ءۇشىن باقىلاۋ جانە اۋديت قىزمەتى جۇمىس ىستەيدى.
باقىتگۇل باباش,
«Egemen Qazaqstan»
اتىراۋ