«قازاقستان تاۋەلسىزدىك جىلدارىندا حالىقتار بىرلىگى مەن دوستىعىنىڭ ارقاسىندا تۇراقتىلىقتى ساقتاپ كەلەدى. ەتنوسارالىق كەلىسىمدى, قوعامداعى تولەرانتتىلىقتى جانە حالىق بىرلىگىن ودان ءارى نىعايتۋدا قازاقستان حالقى اسسامبلەياسىنىڭ ورنى ەرەكشە» دەيدى سۆەتلانا كريۋگەر.
قازىرگى تاڭدا اسسامبلەيا ەتنوسارالىق جانە كونفەسسياارالىق قاتىناستار سالاسىنداعى مەملەكەتتىك ساياساتتى جۇزەگە اسىرۋشى ماڭىزدى قۇرالعا اينالدى. ەلىمىزدە تۇرمىس كەشىپ جاتقان بارلىق ەتنوستىڭ ءوزارا تەڭ قۇقىقتى قاتىناسىن قامتاماسىز ەتۋشى رولگە يە بىردەن-ءبىر ۇيىم بولىپ وتىر.
حالىق ءۇشىن بەيبىت زاماندا مامىراجاي ءومىر سۇرۋدەن ارتىق ەشقانداي باقىت جوق. وسى ورايدا ءتۇرلى ۇلت پەن ۇلىس وكىلدەرىنىڭ باسىن ءبىر شاڭىراق استىندا بىرىكتىرىپ وتىرعان قازاقستان الەم ەلدەرى ءۇشىن دە ۇلگى.
باقتيار تايجان,
«Egemen Qazaqstan»
قىزىلوردا وبلىسى