ەندى «بيزنەس-كەڭەسشى» كۋرستارى الىستان-اق وقىتىلا باستادى. مۇنداي قىزمەتتى مۇددەلى جاندار كاسىپكەرلەردىڭ «Atameken Services» پورتالىنان تەگىن پايدالانۋىنا بولادى. وبلىستاعى العاشقى بولىپ اۋليەكول اۋدانىندا ءوز كاسىبىن باستاعىسى كەلگەندەر ونلاين-وقۋ نەگىزىندە سەرتيفيكاتتارىن الدى.
«ەندى كاسىپكەرلىكتىڭ العاشقى ءالىپبيىن وقۋ ءۇشىن ەكى كۇن كەلىپ, التىن ۋاقىتىن جىبەرىپ, پارتادا وتىرۋدىڭ قاجەتى جوق. بۇل ىسپەن ۇيدە اينالىسۋعا بولادى. سەرتيفيكات الۋ ءۇشىن كەلىپ, تەست تاپسىرسا جەتىپ جاتىر. سونىمەن قاتار, «Atameken Services» پورتالىنا كىرىپ, ونلاين-رەجيمدە قالاعان جوباسىن وقىپ الا الادى» دەدى وبلىستىق كاسىپكەرلەر پالاتاسىنىڭ قارجىلىق ەمەس ءبولىم باستىعى روبەرت يۋسۋپوۆ.
الايدا, كاسىپكەرلىك ءبىلىمدى كۇندىز وقىعىسى كەلەتىندەر ءۇشىن كاسىپكەرلەر پالاتاسىنىڭ بازاسى مەن ونىڭ فيليالدارىندا وتكىزىلەتىن كۋرستار دا ساقتالادى. ەكى كۇن بويى مۇندا بيزنەس نەگىزى زاڭنامالىق جانە بۋحگالتەرلىك قىزمەتتەن باستاپ, ماركەتينگىگە دەيىن وقىتىلادى. ساباقتى بيزنەس-جاتتىقتىرۋشىلار, مەملەكەتتىك ورگاندار مەن بانك قىزمەتكەرلەرى, تاعى باسقا ماماندار جۇرگىزەدى.
«مەن مەملەكەتتىك قىزمەتتە دە, جىلجىمايتىن م ۇلىك اگەنتتىگىندە دە, قىرجى ۇيىمدارىندا دا قىزمەت ىستەدىم. ەندى ءوز ءىسىمدى اشقىم كەلەدى, سوندىقتان «بيزنەس-كەڭەسشى» كۋرستارىنا كەلدىم. بۇل تۋرالى كوپتەن ەستىپ ءجۇر ەدىم, دۇرىس كەلدىم دەپ بىلەمىن. باستامالارىم بار, سوعان گرانت ۇتىپ العىم كەلەدى» دەيدى نۇريا ەسماعامبەتوۆا.
ءنازيرا جارىمبەت,
«ەگەمەن قازاقستان»
قوستاناي