قازاقستان رەسپۋبليكاسى بويىنشا تسەرەبرالدى سال اۋرۋىنا شالدىققان 26 مىڭنان استام بالا بار. بالالاردى ەلىمىزدەگى وڭالتۋدان ءوتۋى ءۇشىن, ۇزىن سونار كەزەكتى كۇتۋى كەرەك, ول كەزەك اراسىنا ايلار مەن جىلداردى سالىپ جىلجيدى. كەيبىر جاعدايى بار اتا-انالار بالالارىن شەتەلگە جىبەرىپ جاتادى. ال وتباسى از قامتىلعان, جالعىزباستى انالار, تسەرەبرالدى سال اۋرۋىنا شالدىققان بالالارعا كومەك قولىن ۇسىناتىن «قاسيەتتى جول» قوعامدىق قايىرىمدىلىق قورى جۇمىس ىستەيدى. بۇل قوردىڭ نەگىزگى كۇن كورىس ەسەبى مەملەكەتتىك بيۋدجەت ەمەس, ەلىمىزدەگى قايىرىمدى جانداردىڭ ارقاسىندا جۇزەگە اسادى.
قوعامدىق قوردىڭ قاراۋىندا استانا جانە شىمكەنت قالالارىندا 3 وڭالتۋ ورتالىقتارى جۇمىس ىستەيدى. استانا قالاسىندا «قاسيەتتى جول» (2-15جاس) جانە «بالاپان» (3 اي- 2 جاس) وڭالتۋ ورتالىقتارى بولسا, ستاتيستيكا بويىنشا تسەرەبرالدى سال اۋرۋىنا شالدىققان بالالاردىڭ جوعارعى كورسەتكىشىن كورسەتىپ وتىرعان ەلىمىزدىڭ وڭتۇستىك ايماعىندا شىمكەنت قالاسىندا «Kzhol شىمكەنت» (1-15 جاس) وڭالتۋ ورتالىعى بار.
ورتالىقتارىمىزدا قالا بويىنشا جاقسىلىق جاساۋعا جانى قۇمار ءوز ءىسىنىڭ ۇزدىك ماماندارى جۇمىس ىستەيدى. بالالارمەن دەفەكتولوگ, لوگوپەد, ترۋدوتەراپەۆت, پسيحولوگپەن قاتار باسسەين, فيزيوكابينەتتەرى قىزمەت كورسەتەدى.
استاناداعى 2014 جىلى العاشقى بولىپ اشىلعان «قاسيەتتى جول» وڭالتۋ ورتالىعى. بيىل ورتالىققا بەس جىل تولىپ وتىر. بەس جىل ىشىندە ورتالىقتا وڭالتۋدان 3144 بالا ءوتتى. ورتالىق ديرەكتورى اينۇر نۇرحوجاەۆا: «قانشاما بالا باسىن ۇستاپ, تورتاياقتاپ ەڭبەكتەپ, وزدىگىنەن جۇرە باستاعان جەتىستىگىن كورگەنىمدى, سوزبەن ايتىپ جەتكىزۋ مۇمكىن ەمەس» دەيدى. بالالار مەن اتا-انالارىنىڭ ەرتەڭگى كۇنگە دەگەن ءۇمىتىن وياتىپ, كوزدەرىندەگى نۇرىن جاعۋ جۇمىسىمىزدىڭ جەمىسى.
ورتالىقتا بالالارعا ارنالعان ءتۇرلى مەرەكەلەر وتكىزىلىپ تۇرادى, بۇل دا ەمدەۋ شارالارىنىڭ ءبىر ءتۇرى دەيدى ماماندار. ءان ايتىپ, بي بيلەۋ ارقىلى ءبىر-بىرىمەن, ءوز دەنەسىمەن قارىم-قاتىناس جاساپ ءتىلىن تابۋ بولسا, بالانىڭ قوزعالۋعا شاماسى جەتپەسە باسقالارعا قاراۋ ارقىلى كوزدەرىمەن جۇمىس ىستەيدى.
لوگوپەد ماماندار بالالارعا تەك سويلەۋدى ەمەس, دۇرىس تاماقتانىپ, ونى دۇرىس جۇتۋدى دا ۇيرەتەدى. ەگەر تاماقتى دۇرىس جەمەي, دۇرىس جۇتپاسا ول اسقازان مەن تىنىس الۋ مۇشەلەرىنىڭ زاقىمدانۋىنا اكەلىپ سوعادى.
سونىمەن قاتار ورتالىقتا ينسترۋكتورلار ءارتۇرلى ەم قۇرالدارى ارقىلى دۇرىس جانە ءونىمدى جۇمىس جاساپ, تاەكۆاندو, دزيۋدو سياقتى سپورت ۇيىرمەلەرى ارقىلى بالالاردى سالاۋاتتى ءومىر سالتىنا ماشىقتايدى. بالاقاي سپورتشىلار جىل سايىنعى سپارتاكيادالارعا دا قاتىسادى. #قازاقستانجاقسىلىقجاسايدى جوباسى اياسىندا ەلىمىزدىڭ كوپتەگەن قايىرىمدى جاندارى كومەك كورسەتۋدە. وعان مىسال رەتىندە, 8 جاسار اكبار نۋرلان بالالارعا ارنالعان «كۋبيچەسكي لابيرينت» كىتابىنان تۇسكەن پايدانى, ءبىزدىڭ قورعا اۋداردى. اكبار سپورتپەن, ونىڭ ىشىندە كاراتەمەن شۇعىلدانادى. سپورت ۇيىرمەسىندە, ونىمەن قاتار سال اۋرۋىنا شالدىققان بالالار دا قاتىسادى. سول كەزدە 8 جاسار بالانىڭ بۇنداي دياگنوزبەن اۋراتىن بالالاردى العاش كورۋى ەدى. كىتاپتىڭ ساتىلىمىنان تۇسكەن قاراجاتتى «قاسيەتتى جول» قايىرىمدىلىق قورىنا اۋدارۋىنىڭ دا سەبەبى وسى بولاتىن.
«قاسيەتتى جول» وڭالتۋ ورتالىعىنىڭ تاريحىنىڭ ءبىرىنشى پاراعىن اشقان مۇسا ەسىمدى جىگىت. ول ورتالىققا وتە اۋىر جاعدايمەن, گەميپارەز دياگنوزىمەن كەلدى. ونىڭ ميىنا قان قۇيىلىپ, ەكى رەت وتا جاسالعان. ءبىرىنشى وتاسى 40-نان شىقپاعان نارەستە كەزىندە جاسالعان. بۇگىنگى كۇنى مۇسانىڭ جاعدايى قۋانتارلىقتاي, كەلەسى جىلى ول مەكتەپكە بارادى. وڭالتۋ جۇمىستارى كەزىندەگى ءوزىنىڭ جانە اناسىنىڭ كۇش-جىگەرى مەن قاجىرلى ەڭبەگى ارقىلى دەنساۋلىعى بويىنشا ۇلكەن جەتىستىكتەرگە جەتتى.
قورىدىڭ بۇدان بولەك استانا قالاسىندا «بالاپان» ( 3اي – 2 جاس) جانە شىمكەنت قالاسىندا «Kzhol Shymkent» وڭالتۋ ورتالىقتارى جۇمىس ىستەيدى. بۇل ورتالىقتار بيۋدجەت ەسەبىنەن ەمەس, جاقسىلىق جاساۋعا جانى قۇمار جانداردىڭ كومەگىنىڭ ارقاسىندا جۇمىس ىستەيدى وتىر.