قازاقستاندا شىعاتىن باسىلىمداردىڭ جارىققا شىعۋىنا باعىت-باعدار بەرىپ, حالىقارالىق ستاندارت تالابىنا ساي تىركەۋگە الاتىن, باسپا جانە ءباسپاسوز ونىمدەرىن جيناپ, ساقتايتىن, ستاتيستيكاسىن جۇرگىزەتىن بىردەن-ءبىر عىلىمي-بيبليوگرافيالىق ورتالىق ۇلتتىق كىتاپ پالاتاسىنىڭ قىزمەتكەرلەرى ء«از-ناۋرىز» مەرەكەسىن ەرەكشە سالتاناتپەن اتاپ ءوتتى.
«كوكتەمنىڭ كورىكتى كۇندەرىنىڭ ءاربىر ءساتىن قالت جىبەرمەۋدى ۇيعارعان ۇجىم «ناۋرىز» مەيرامىنا ۇلكەن دايىندىق جاساپ, 14-23 ناۋرىز كۇندەرى ارالىعىندا بىرقاتار شارالاردى جوسپارلاعان. كورىسۋمەن باستالعان ايتۋلى شارالار كىتاپ پالاتاسىندا كەلەسى كەزەكتە سۇراق-جاۋاپ تانىمدىق سايىسى, ۇلتتىق كيىمدەردەن ءسان ۇلگىسىن كورسەتۋ, كىتاپ جارمەڭكەسىن ۇيىمداستىرۋ, شاعىن كورىنىستەر, « ۇلىستىڭ ۇلى كۇنى» پوەزيا كەشى, «ناۋرىز – دۋمان» شاعىن كونتسەرتى, «قوش كەلدىڭ, ءاز-ناۋرىز» اعاش ەگۋ, ناۋرىز كۇنىنە وراي تازالىق كۇنىن وتكىزۋ, ۇلتتىق ويىنداردان سايىس وتكىزۋ سياقتى مازمۇندى كەشتەرمەن جالعاسىن تاباتىن بولادى. كىتاپ پالاتاسى قىزمەتكەرلەرى «ناۋرىز» مەرەكەسىندە ەرەكشە ءمان بەرەتىن تاعى ءبىر جوسپارلى شارا - قايىرىمدىلىق كورسەتۋ. بۇل باعىتتا ۇجىم كومەككە مۇقتاج جاندارعا قول ۇشىن بەرەتىن بولادى» دەپ اتاپ ءوتتى كىتاپ پالاتاسى ديرەكتورىنىڭ ورىنباسارى تولقىن سالمەنباەۆا.
ەلۆيرا سەرىكقىزى,
«ەگەمەن قازاقستان»
الماتى