وبلىستا «باستاۋ» وقىتۋ جوباسى باستالدى. بىراق بيىل بيزنەس ءالىپبيىن وقىپ, سەرتيفيكات العىسى كەلەتىندەردىڭ سانى بىلتىرعىعا قاراعاندا كۇرت قىسقاردى, ولار ء بىر مىڭ ادامنان ءسال عانا اسادى. ال وتكەن جىلى وسى جوبا بويىنشا 2300 ادام سەرتيفيكات العان ەدى. بىراق مۇنىڭ ەسەسىنە جاستار جاڭا «جاس كاسىپكەر» جوباسىندا ءوزىنىڭ باعىن سىناپ كورۋىنە بولادى.
«باستاۋ» جوباسىنا قاتىسۋعا قازىر 700-دەي ادام عانا ءوتىنىش ءبىلدىردى. بۇل بويىنشا وقىتۋ وبلىستىڭ 16 اۋدانى مەن قالالارىندا وتەدى. ءۇش لەك شەڭبەرىندە 1140 ادامدى وقىتۋ جوسپارلاندى. بۇل ارينە, بىلتىرعىدان ەكى ەسە از. ءبىز تۇرعىندار ءالى دە ءوتىنىش بەرەدى دەگەن ويدامىز» دەيدى قوستاناي وبلىستىق كاسىپكەرلەر پالاتاسىنىڭ قارجىلىق ەمەس قولداۋ ءبولىمىنىڭ باستىعى روبەرت يۋسۋپوۆ.
وقۋعا تىلەك بىلدىرگەندەر الدىمەن كاسىپكەرلىك نەگىزى بويىنشا تەستىلەۋدەن وتەدى. بۇل پسيحولوگيالىق تەست ولاردى ادامنىڭ الەۋەتىن اشىپ, ونى ءتۇرلى جاعدايدا تىعىرىقتان شىعۋعا باعىتتايدى. وقۋ 25 كۇنگە سوزىلادى, بۇل ءۇشىن قاتىسۋشىلارعا ستيپەنديا تولەنەدى. سەرتيفيكات كاسىپكەرلىككە تالپىنعاندارعا گرانت پەن جەڭىلدىكپەن بەرىلەتىن نەسيە ۇتىپ الۋ ءۇشىن بەرىلەدى.
«جاس كاسىپكەر» جوباسى قوستاناي وبلىسىندا بيىلعى جىلدىڭ ەكىنشى جارتىسىنان باستالادى. وعان 18 بەن 29 جاس ارالىعىنداعى جۇمىسسىز جاستار قاتىسادى.
ءنازيرا جارىمبەت,
«ەگەمەن قازاقستان»
قوستاناي