فيلولوگيا عىلىمدارىنىڭ دوكتورى, پروفەسسور كابيداش قالياسقار ۇلى ەلباسىنىڭ قابىلداعان شەشىمىنە قاتىستى پىكىر ءبىلدىردى.
ەلىمىزدىڭ تۇڭعىش پرەزيدەنتى نۇرسۇلتان نازارباەۆ قازىرگى قازاقستاننىڭ كوركەيۋىنە ەرەن ەڭبەك سىڭىرگەن تۇلعا. اسىرەسە مەملەكەت قۇرۋشى ۇلت – قازاق حالقىنىڭ جاڭا بەينەسىن قالىپتاستىرۋ جولىندا اتقارعان كەلەلى ءىسى – الەمدە تارىداي شاشىراپ جۇرگەن قازاقتى اتامەكەنىنە شاقىرۋى. سونىڭ ءبىر دالەلى رەتىندە ايتارىم, 1991 جىلدىڭ 16 جەلتوقسانىندا ەلىمىز تاۋەلسىزدىگىن جاريالاي سالىسىمەن, ارادا 24 كۇن وتكەن سوڭ, ياعني 1992 جىلى 10 قاڭتار كۇنى شەتەلدەگى قازاقتارعا قاراتىپ «اتامەكەنگە قايتىڭدار» دەگەن ۇندەۋ تاستادى. وسى تاريحي شەشىمنىڭ ارقاسىندا سىرتتا جۇرگەن ءجۇز مىڭداعان قانداس ەلگە ورالدى. سولاردىڭ ءبىرى مەنمىن. 1992 جىلى موڭعوليا ەلىنەن كوشىپ كەلدىم.
ەلباسى اۋەلى الەم قازاقتارىنىڭ باسىن قوسقان كەمەل تۇلعا رەتىندە ۇلت تاريحىنىڭ جاڭا پاراعىن اشتى. «قۇيىلسىن كوشىڭ, جيىلسىن ەسىڭ...» دەپ ءوزى ايتقانىنداي, سايىن دالا سارىارقاعا, جەلەگى جاسىل جەتىسۋعا, مىڭ بوياۋلى ماڭعىستاۋعا, مۇنايلى مەكەن اتىراۋعا جان-جاقتان سەلدەي اعىلىپ, قازاقتىڭ كوشى قۇلادى.
قۇدايا شۇكىر, بۇل – بىرنەشە عاسىردا ءبىر بولاتىن بىرەگەي قۇبىلىس. بار قازاقتىڭ باسىن قوسقان ارداقتى اعا امان بولسىن. نۇرەكەڭنىڭ باياندى جولى بۇزىلماسىن!