بۇل تۋرالى اقوردانىڭ ءباسپاسوز قىزمەتى حابارلادى.
قازاقستان رەسپۋبليكاسى پرەزيدەنتىنىڭ وكىلەتتىگىن اتقارۋ تۋرالى
قاۋلى ەتەمىن:
1. قازاقستان رەسپۋبليكاسى كونستيتۋتسياسىنىڭ 42-بابىنىڭ 3-تارماعىنا سايكەس 2019 جىلعى 20 ناۋرىزدان باستاپ قازاقستان رەسپۋبليكاسى پرەزيدەنتىنىڭ وكىلەتتىگىن اتقارۋدى توقتاتامىن.
2. قازاقستان رەسپۋبليكاسى كونستيتۋتسياسىنىڭ 48-بابىنىڭ 1-تارماعىنا سايكەس قازاقستان رەسپۋبليكاسى پرەزيدەنتىنىڭ وكىلەتتىگى قالعان مەرزىمگە قازاقستان رەسپۋبليكاسى پارلامەنتى سەناتىنىڭ توراعاسىنا قازاقستان حالقىنا انت بەرگەن ساتىنەن باستاپ كوشەدى.
3. قازاقستان رەسپۋبليكاسى كونستيتۋتسياسىنىڭ 42-بابىنىڭ 2-تارماعىنا سايكەس قازاقستان رەسپۋبليكاسى پرەزيدەنتىنىڭ قىزمەتىنە كىرىسەتىن ادامنىڭ قازاقستان حالقىنا انت بەرۋ ءراسىمى قازاقستان رەسپۋبليكاسى ورتالىق سايلاۋ كوميسسياسىمەن كەلىسىم بويىنشا قازاقستان رەسپۋبليكاسى پارلامەنتى پالاتالارىنىڭ بىرلەسكەن وتىرىسىندا 2019 جىلعى 20 ناۋرىزدا 12 ساعات 00 مينۋتتا وتكىزىلسىن.
4. وسى جارلىق قول قويىلعان ساتىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ پرەزيدەنتى ن.نازارباەۆ
استانا, اقوردا, 2019 جىلعى 19 ناۋرىز № 884