وقۋشىلار قازاق عارىشكەرلەرىمەن كەزدەستى

وعان قازاق عارىشكەرلەرى توقتار اۋباكىروۆ جانە تالعات مۇساباەۆ, ايدىن الىمبەتوۆ پەن SpaceX جانە NASA عارىش ۇيىمدارىنىڭ عىلىمي قىزمەتكەرلەرى قاتىستى. ناۋرىز كەزدەسۋىنە قازاقستان بويىنشا 200-گە جۋىق تالاپتى وقۋشىلار كەلدى.

وسىنداي تاقىرىپ تاڭدالعان كەزدەسۋلەردىڭ قىزىلوردا وبلىسىندا ءوتۋى زاڭدىلىق. ويتكەنى, تورتكۇل دۇنيە كوز تىگىپ وتىرعان «بايقوڭىر» عارىش ايماعى وسى وبلىستىڭ اۋماعىندا ورنالاسقان. جەتى قات كوكتىڭ ادام بالاسىنا بەيمالىم بولىپ كەلگەن تىلىم سىرلارىنىڭ ءتۇيىنىڭ تارقاتۋ حاراكەتى دە وسى ايلاقتان باستاۋ الادى.

ءداستۇرلى ناۋرىز وقۋلارىندا قىزىلوردا وبلىسىنىڭ اكىمى ق.كوشەرباەۆ وقۋشىلارعا عىلىم مەن تەحنيكادا ۇلكەن جەتىستىكتەر تىلەدى.

«عىلىم سالاسىنداعى الەمدىك ترەندتەردى تالقىلاۋعا ارنالعان الاڭدا سىزدەرمەن كەزدەسكەنىمە قۋانىشتىمىن. ءبىزدىڭ وبلىس اۋماعىندا 12 ۇشىرۋ الاڭى ورنالاسقان. ولاردان اتى اڭىزعا اينالعان «ۆوستوك», «سويۋز» جانە «بوران» كەمەلەرى عارىشقا اتتانعان. سوندىقتان, «عارىش. عىلىم. ينتەللەكت» توعىزىنشى ناۋرىز كەزدەسۋلەرى - ادامزات عارىشقا قادام باسقان شىعىس وركەنيەتىنىڭ ورتالىقتارىنىڭ ءبىرى, ايگىلى قورقىت اتا مەكەنىندە ءوتۋى بەكەر ەمەس, - دەدى ول.

باقتيار تايجان,

«Egemen Qazaqstan»

قىزىلوردا وبلىسى