بۇل كۇندەرى جەر جاھانداعى ەڭ ۇزدىك مانەرلەپ سىرعاناۋشىلاردىڭ دەنى جاپونيانىڭ سايتاما قالاسىندا ءجۇر. بۇگىن ولار وزدەرىنىڭ ەڭ سوڭعى جاتتىعۋلارىن پىسىقتاۋدا. ەرتەڭ الەم چەمپيوناتى باستالادى.
كۇللى قازاقستان جانكۇيەرلەرى ەليزابەت تۇرسىنباەۆعا ءۇمىت ارتۋدا. بىزگە جەتكەن مالىمەت بويىنشا كۇن شىعىس ەلىندەگى جاتتىعۋى بارىسىندا ول وسى سپورت تۇرىندەگى ەڭ كۇردەلى ادىستەردىڭ ءبىرى – سالحوۆ تورتتىگىن ءۇش مارتە ورىنداۋعا بەل بۋعان ەكەن. ەكەۋى ءساتتى شىعىپ, بىرەۋىندە ازدى-كەمدى كەمشىلىك كەتتى. دەسەك تە وسى جايتتىڭ ءوزى كەۋدەگە سەنىم ۇيالاتادى. ەگەر وسى ءادىستى ول ءساتتى ورىنبايتىن بولسا, وندا تۇرسىنباەۆانىڭ جەڭىس تۇعىرىنا كوتەرىلۋگە مۇمكىندىگى بار.
ەليزابەت جارىستى ەرتەڭ باستايدى. سول كۇنى ايەلدەر قىسقا باعدارلامادا سايىسقا تۇسەدى. ال ەركىن باعدارلاما بويىنشا باسەكە 22 ناۋرىزدا وتەدى. وسى جاتتىعۋلاردان كەيىن جارىس جەڭىمپازى مەن جۇلدەگەر انىقتالادى. ال ەرلەر اراسنداعى جارىستا قاي ورەندەردىڭ باعى جاناتىنى 23 ناۋرىزدا بەلگىلى بولادى.
عالىم سۇلەيمەن,
«Egemen Qazaqstan»