الماتىنىڭ كاسىپكەرلىك جانە ينۆەستيتسيالار باسقارماسىنىڭ باسشىسى بولىپ مۇحيت ازىرباەۆ تاعايىندالدى. بۇل تۋرالى الماتى قالاسى اكىمدىگىنىڭ ءباسپاسوز قىزمەتى حابارلادى.
مۇحيت ازىرباەۆ الماتى قالاسىندا تۋىلعان. ت. رىسقۇلوۆ اتىنداعى قازاق ەكونوميكالىق ۋنيۆەرسيتەتىنىڭ تۇلەگى. جەكە سەكتورداعى جۇمىستا مول تاجىريبە جيناقتاعان. ءتۇرلى جىلدارى «قۋات-اگرو» اگروحولدينگتىك كومپانيانىڭ باس ديرەكتورى, «Global Building Contract» جشس قاداعالاۋ كەڭەسىنىڭ توراعاسى بولعان, «ابن امرو بانك» جانە «كازكوممەرتسبانك» اق لاۋازىمدى قىزمەتتەر اتقارعان. 2017 جىلدان «الماتى» الەۋمەتتىك-كاسىپكەرلىك كورپوراتسيا باسقارماسىنىڭ توراعاسى.
باسقارمانىڭ جاڭا باسشىسىنىڭ الدىنا الماتى ەكونوميكاسىن تۇراقتاندىرۋدى كۇشەيتۋ, باسكەلەستىكتى ارتتىرۋ, ونىڭ ىشىندە شوب ۇلەسىن ۇلعايتۋ, ينۆەستيتسيا تارتۋ جانە ەكونوميكانىڭ سالالارىن ديۆەرسيفيكاتسيالاۋ مىندەتتەرى قويىلدى.
بۇلاردىڭ ىشىنەن حالىقتىڭ از قامتىلعان توبى ءۇشىن ىشكى نارىقتى قولجەتىمدى الەۋمەتتىك ماڭىزى بار تاۋارلارمەن تولتىرۋعا, جوعارى تەحنولوگيالى جانە ەكسپورتقا باعىتتالعان جوبالار ءۇشىن ينۆەستيتسيا تارتۋعا ايرىقشا نازار اۋدارىلادى.
بۇلاردان وزگە, قالا اكىمى ينۆەستيتسيالىق احۋالدى جاقسارتۋ ءۇشىن كاسىپكەرلىكتى دامىتۋ جولىنداعى جۇمىستى بارىنشا قارقىندى جۇرگىزۋدى تاپسىردى. ولار - اكىمشىلىك كەدەرگىلەردى قىسقارتۋ,بيزنەس ءۇشىن قارجى كوزدەرىن قولجەتىمدى ەتۋ, ينۆەستورلار قۇقىعىن قورعاۋ, وكىلەتتى ورگانداردىڭ اشىقتىعى ءۇشىن تسيفرلى تەحنولوگيانى ەنگىزۋ جانە باسقالارى.