جۇما, 27 شىلدە 2012 7:29
سارسەنبى كۇنى ءۇندىستاندا جاڭادان سايلانعان پرەزيدەنت پراناب مۋكەردجي قىزمەتىنە كىرىستى. ول بۇدان بەس جىل بۇرىن سايلانعان ەلدىڭ ءبىرىنشى ايەل پرەزيدەنتى پراتيۆحا ءپاتيلدى الماستىردى.
باسقا جەردەگىدەي سول تاققا وتىرۋعا داڭعازا دايىندىق جاسالعان جوق. سايلانعانىنا 2-3 كۇن بولعان مۋكەردجي بۇرىنعى پرەزيدەنتتىڭ وكىلدىگى بىتكەن كۇنى, 25 شىلدەدە قىزمەتىنە كىرىستى دە كەتتى. جالپى, بۇل ەلدە پرەزيدەنت سايلاۋىنىڭ دا تاۋقىمەتى ونشالىقتى كوپ ەمەس. ول ەل پارلامەنتى پالاتالارىنىڭ دەپۋتاتتارىنىڭ, شتاتتار مەن وداقتىق اۋماقتار زاڭ شىعارۋشى جينالىستارى ءمۇشەلەرىنىڭ باسقوسۋىندا سايلانادى. جاڭا پرەزيدەنتتى 4659 دەپۋتات, سايلاۋعا قاتىسقانداردىڭ 69 پايىزى قولدادى.
جۇما, 27 شىلدە 2012 7:29
سارسەنبى كۇنى ءۇندىستاندا جاڭادان سايلانعان پرەزيدەنت پراناب مۋكەردجي قىزمەتىنە كىرىستى. ول بۇدان بەس جىل بۇرىن سايلانعان ەلدىڭ ءبىرىنشى ايەل پرەزيدەنتى پراتيۆحا ءپاتيلدى الماستىردى.
باسقا جەردەگىدەي سول تاققا وتىرۋعا داڭعازا دايىندىق جاسالعان جوق. سايلانعانىنا 2-3 كۇن بولعان مۋكەردجي بۇرىنعى پرەزيدەنتتىڭ وكىلدىگى بىتكەن كۇنى, 25 شىلدەدە قىزمەتىنە كىرىستى دە كەتتى. جالپى, بۇل ەلدە پرەزيدەنت سايلاۋىنىڭ دا تاۋقىمەتى ونشالىقتى كوپ ەمەس. ول ەل پارلامەنتى پالاتالارىنىڭ دەپۋتاتتارىنىڭ, شتاتتار مەن وداقتىق اۋماقتار زاڭ شىعارۋشى جينالىستارى ءمۇشەلەرىنىڭ باسقوسۋىندا سايلانادى. جاڭا پرەزيدەنتتى 4659 دەپۋتات, سايلاۋعا قاتىسقانداردىڭ 69 پايىزى قولدادى. ۇلكەن سەنىم, ۇلكەن جەڭىس. جانە ول جاي كەلگەن جوق, پارلامەنتتىڭ بۇرىنعى سپيكەرى 64 جاستاعى پۋرنو اگيتوك سانگما باسەكەگە تۇسكەن. ونىڭ قارتايدى دەيتىندەي 77 جاستاعى قارجى ءمينيسترى مۋكەردجيگە قاراعاندا مۇمكىندىگى كوپتەۋدەي سياقتى كورىنگەن. بىراق ءۇندىستاندىق حالىق قالاۋلىلارى ەلدىڭ ساياسي ومىرىنە كوپتەن بەرى ارالاسىپ كەلە جاتقان, قانداي قىزمەت اتقارسا دا, جامان اتى شىقپاعان قايراتكەرگە قول كوتەردى.
راس, بۇل ەلدە پرەزيدەنت قىزمەتى مارتەبەسى كەيبىر ەلدەردەگىدەن ءبىرشاما وزگەشەلەۋ. ناعىز بيلىك ۇكىمەتتىڭ, ونىڭ باسشىسىنىڭ قولىندا. ىشكى-سىرتقى ساياساتتى جاسايتىن دا, جۇزەگە اسىراتىن دا اتقارۋشى بيلىك. پرەزيدەنتكە نەگىزىنەن رەسميلىك, مەملەكەت اتىنان وكىلدىك ءبىلدىرۋ مىندەتى جۇكتەلگەن. سويتسە دە كونستيتۋتسيا بويىنشا ول ەلدىڭ ءبىرىنشى ازاماتى, مەملەكەتتىڭ باسشىسى, ۇلتتىق قارۋلى كۇشتەردىڭ باس قولباسشىسى سانالادى. پاراساتقا جۇگىنە وتىرىپ, قىزمەت اتقارسا, ونىڭ ەلدىڭ ىشكى-سىرتقى ساياساتىنا ايتارلىقتاي ىقپال ەتۋىنە ءمۇمكىندىگى بار. مۋكەردجيدىڭ جاقتاستارى ودان سونى تالاپ ەتەتىنى دە انىق.جاقتاستارى دەگەندە, ونى قازىرگى بيلىكتەگى «بىرىككەن پروگرەستىك اليانس» (بپا) كواليتسياسى ۇسىندى. بۇل كواليتسيانىڭ نەگىزىن ەلدىڭ ەڭ بەدەلدى ساياسي پارتياسى «ءۇندىستان ۇلتتىق كونگرەسى» (ۇۇك) قۇرايدى. ونىڭ پارتيادا دا, ۇكىمەتتە دە, ۇلكەن بەدەلى مەن ىقپالى بار. سوندىقتان دا مۋكرەدجيدىڭ پرەزيدەنتتىڭ قىزمەتتە دە بۇل سالالارعا ارالاسۋىن ۇلتتىق قاجەتتىلىك دەسە دە بولادى. جانە ءبىراز ساراپشىلاردىڭ پىكىرىنشە, ول پرەزيدەنت لاۋازىمىنىڭ مارتەبەسىن ءوز بەدەلىمەن جاڭا بيىككە كوتەرەدى.بپا بيىكتە بولعان سوڭعى 8 جىلدا ول الدىمەن قورعانىس مينيسترى, سوناڭ سوڭ پارلامەنت ءتومەنگى پالاتاسىنىڭ سپيكەرى, ودان كەيىن سىرتقى ىستەر ءمينيسترى, ال بۇگىنگى كۇنى قارجى ءمينيسترى بولدى. وسى قىزمەتتەرىنە قاراپ-اق ونىڭ قايراتكەرلىك اۋقىمىن اڭعارعاندايسىڭ, ەلدىڭ وسى سالاداعى ساياساتى, ونداعى تابىستارى مۋكەردجيدىڭ اتىمەن تىكەلەي بايلانىستى.مۋكەردجيدىڭ پرەزيدەنت بولىپ سايلانۋى ۇندىستانداعى ساياسي كۇشتەردىڭ اراسالماعىن ءبىرشاما وزگەرتتى. ۇۇك پارتياسىنىڭ مۋكەردجيدەي ءبىر تۇلعالى قايراتكەرى تۇلعالى لاۋازىمدى يەمدەنىپ, پارتيانىڭ بەدەلى ءبىرشاما كوتەرىلدى. سونىمەن بىرگە بۇل پارتيانىڭ ىشكى قۇرىلىمى وزگەرىپ, جاستارمەن كۇشەيتىلدى دەۋگە بولادى. ونى باسقارۋ راحۋل گانديگە جۇكتەلمەك. ايتا كەتەيىك, بۇل اتاقتى ينديرا گانديدىڭ نەمەرەسى, رادجيپ گاندي مەن بپا-نىڭ قازىرگى جەتەكشىسى سونيانىڭ بالاسى. تەكتىلەردىڭ تۇياعى.حالىقارالىق اۋقىمداعى ساراپشىلاردىڭ پىكىرىنشە دە ءۇندىستانداي الىپ ەلدىڭ باسشىلىعىنا لايىقتى تۇلعا كەلدى.
ماماديار جاقىپ, «ەگەمەن قازاقستان».