شىعىس قازاقستاندا بارلىق 655 جالپى ءبىلىم بەرەتىن مەكتەپتەردى IT سىنىپتارىمەن جابدىقتاۋ اياقتالۋعا جاقىن. مەملەكەت باسشىسىنىڭ جولداۋى مەن «مەنىڭ مەكتەبىم» وڭىرلىك جوباسىن ىسكە اسىرۋ اياسىندا 2018 جىلى ءوڭىر وقۋشىلارىنىڭ 80 پروتسەنتى ءبىلىم الىپ جاتقان, تولىق كومپلەكتىلى 277 مەكتەپ نازارباەۆ زياتكەرلىك مەكتەبىنىڭ ستاندارتى ۇلگىسىندە پاندىك كابينەتتەرمەن, سونداي-اق, زاماناۋي ءىت جانە روبوتتى تەحنيكا سىنىپتارىمەن جابدىقتالعان بولاتىن. قازىرگى تاڭدا وبلىستاعى شاعىن كومپلەكتىلى مەكتەپتەردەگى 378 ءىت-سىنىپتى جابدىقتاۋ اياقتالۋدا. بۇل ماقساتقا وبلىس بيۋدجەتىنەن 900 ميلليون تەڭگە بولىنگەن. جاڭا وقۋ جىلى قارساڭىندا بارلىق شاعىن كومپلەكتىلى مەكتەپتەردە 500 اكتيۆ-پانەل ورناتىلادى. ولار سوڭعى تسيفرلىق تەحنولوگيالار نەگىزىندە وقۋشىلارعا جاراتىلىستانۋ مەن عىلىمي پاندەردى ەركىن جانە ساپالى مەڭگەرۋگە تولىق مۇمكىندىك بەرەدى.
بۇگىن ۇلان اۋدانىنداعى بازىلبەك احمەتوۆ اتىنداعى مەكتەپتە ءجاڭا ىت-سىنىبىن اشۋ راسىمىندە وبلىس اكىمىنىڭ ورىنباسارى اسەم ءنۇسىپوۆا وقۋشىلاردى جاڭا ء«ىت-سىنىپتارىندا باعدارلامالاۋ جانە مودەلدەۋ» پانىنە وقىتۋ ءۇشىن سەمەي قالاسىنىڭ ەلەكتروتەحنيكا كوللەدجى بازاسىندا وبلىستىڭ شاعىن كومپلەكتىلى مەكتەپتەرىنىڭ 573 مۇعالىمى ارنايى كۋرستىق دايىندىقتان وتكەنىن حابارلادى. «بارلىق مۇعالىمدەر ادىستەمەلىك قۇرالدار جانە ارنايى باعدارلامالارمەن قامتاماسىز ەتىلدى. بۇل اۋىل بالالارى ءۇشىن باعدارلامالاۋ, 3D مودەلدەۋ جانە مەحاترونيكانى وقىپ ۇيرەنۋدىڭ جاڭا مۇمكىندىكتەرىن اشادى», – دەيدى اسەم بەكقىزى.
ايتا كەتەيىك, بۇگىنگى تاڭدا ايماقتاعى شاعىن كومپلەكتىلى مەكتەپتەردە 25 مىڭ بالا ءبىلىم الۋدا.
ازامات قاسىم,
«Egemen Qazaqstan»
شىعىس قازاقستان وبلىسى