جالپى الەۋمەتتىك سالاعا وسى جىلى 150 ملرد تەڭگە ءبولىندى. بۇل بيۋدجەت كولەمىنىڭ 35% قۇرايدى, دەپ مالىمدەدى استانا اكىمى باقىت سۇلتانوۆ قر ۇكىمەتىنىڭ وتىرىسىندا. بۇل تۋرالى ەلوردا اكىمدىگىنىڭ ءباسپاسوز قىزمەتى حابارلايدى.
«نۇر وتان» پارتياسىنىڭ حVIII سەزىندە ەلباسى جاريالاعان تاپسىرمالار مەن باستامالار استانامىزدىڭ الەۋمەتتىك-ەكونوميكالىق دامۋىنا سەرپىن بەرىپ, ماڭىزدى جوبالاردى ىسكە اسىرۋىمىزعا قارقىن بەرەدى. وسى كۇنگە دەيىن ءبىز, كومەككە ءزارۋ 3 مىڭنان استام ازاماتتاردى قابىلدادىق. ازاماتتار كوتەرگەن ماسەلەلەردى جۇيەلەندىرىپ, ەلوردامىزدىڭ الەۋمەتتىك كارتاسىن جاساقتادىق. مەملەكەت باسشىسىنىڭ تاپسىرماسىنا سايكەس, جەرگىلىكتى بيۋدجەت قايتا قاراستىرىلىپ, بىرقاتار شىعىندار وڭتايلاندىرىلۋدا. ول قاراجات تۇرعىندار ءۇشىن قاجەتتى قوسىمشا الەۋمەتتىك كومەك بەرۋگە باعىتتالاتىن بولادى», – دەپ مالىمدەدى باقىت سۇلتانوۆ.
قالامىزدا الەۋمەتتىك سالاعا وسى جىلى بولىنگەن قاراجات 150 ملرد تەڭگەنى قۇرايدى. بۇل بيۋدجەت كولەمىنىڭ 35% قۇرايدى. «سونىمەن قاتار, ءماسليحاتتىڭ الداعى وتىرىسىندا بيۋدجەتتى ناقتىلاۋ كەزىندە جەرگىلىكتى بيۋدجەت ەسەبىنەن مۇقتاج ازاماتاردى قولداۋ ءۇشىن 3 ملرد استام تەڭگە كولەمىندە قاراجات ءبولۋ قاراستىرىلاتىن بولادى»,– دەپ اتاپ ءوتتى ول. اكىمنىڭ ايتۋىنا قاراعاندا, تۇرعىن ءۇيدى پايدالانۋ مەن كوممۋنالدىق تولەمدەردى تولەۋدى 18% كوتەرۋ, كوپبالالى وتباسىلارعا كومىر ساتىپ الۋ بويىنشا كومەك بەرىلەتىن بولادى. قاتتى وتىنعا بولىنەتىن جاردەماقى مولشەرى دە 8 ايلىق ەسەپتىك كورسەتكىش 16-عا دەيىن ۇلعايعان. الەۋمەتتىك قىزمەتتەردى كورسەتۋگە باعىتتالعان الەۋمەتتىك جوبا اياسىندا اۋتيست بالالارعا ءتيىستى ارنايى قىزمەتتەر كورسەتۋ ءۇشىن بيۋدجەتتەن 40 ملن تەڭگە ء بولىندى. بۇدان بولەك, بۇگىنگى تاڭدا قالادا قىزمەت كورسەتىپ جۇرگەن ينۆاتاكسي كولىكتەرىنىڭ سانى ەكى ەسە كوبەيتىلەدى دەپ جوسپارلانۋدا. قازىر قالادا مۇنداي قىزمەتتى 23 كولىك كورسەتەدى.
جۇمىسپەن قامتۋ باعدارلاماسىنىڭ شەڭبەرىندە 2019 جىلى جۇمىسسىزداردى قوعامدىق جۇمىس ورىندارىمەن قامتۋ 500-دەن 1000 ادامعا دەيىن كوبەيتىلمەك. ەلوردادا الەۋمەتتىك-وسال توپتاعى بالالار ءۇشىن: قوعامدىق كولىكتە جەڭىلدىكپەن ءجۇرۋ, مەكتەپتەردە ىستىق تاماقپەن قامتاماسسىز ەتۋ, ساۋىقتىرۋ دەمالىسىنا قوسىمشا 1 000 ورىن بەرۋ, مەكتەپكە قاجەتتى كيىم مەن كەرەك-جاراقتارىن ساتىپ الۋ جانە قوسىمشا گرانتتار ءبولۋ سياقتى قولداۋ كورسەتىلەدى. ەلباسى جۇكتەگەن حالىقتىڭ ءال-اۋقاتى مەن ءومىر ءسۇرۋ ساپاسىن جوعارىلاتۋ جونىندەگى ناقتى تاپسىرمالاردى ورىنداۋ اياسىندا رەسپۋبليكالىق بيۋدجەتتەن قوسىمشا بولىنەتىن ترانسفەرتتەر بويىنشا قالا بيلىگى ەڭبەك جانە حالىقتى الەۋمەتتىك قورعاۋ مينيسترلىگىمەن بىرلەسىپ, جالاقىسى تومەن بيۋدجەت قىزمەتكەرلەرىنىڭ ەڭبەكاقىسىن كوبەيتۋ, كوپبالالى وتباسىلارعا اتاۋلى الەۋمەتتىك كومەكتى ۇلعايتۋ جۇمىسىن پىسىقتاۋدا. باقىت سۇلتانوۆ مالىمدەگەندەي, «تۇرعىن ءۇي قۇرىلىس جيناق جۇيەسى ارقىلى كرەديتتىك تۇرعىن ءۇي سالۋ» باعىتى بويىنشا 900 پاتەردى وسى جىلى پايدالانۋعا بەرۋ جوسپاردا بار. قالا بيۋدجەتىندە 2000 سەرتيفيكات بەرۋگە 2 ملرد تەڭگە قاراستىرىلعان.
تۇرعىن ءۇيدىڭ قولجەتىمدىلىگىن قامتاماسىز ەتۋ ماقساتىندا «نۇرلى جەر» باعدارلاماسى اياسىندا 731 پاتەر جالدامالى باسپانا رەتىندە ءۇي كەزەگىندە تۇرعان ازاماتتارعا پايدالانۋعا بەرىلەدى دەپ جوسپارلانۋدا. «ەلباسى بەرگەن تاپسىرمالارعا سايكەس, قولجەتىمدى تۇرعىن ءۇي قۇرىلىسىنا رەسپۋبليكالىق بيۋدجەتتەگى ترانسفەرتتەردەن بولىنەتىن قوسىمشا قاراجاتتى قايتا قاراستىرامىز. بۇدان باسقا, جەرگىلىكتى بيۋدجەتتى وڭتايلاندىرۋ ەسەبىنەن ۇنەمدەلگەن قاراجات وسى ءۇي قۇرىلىسىنا جىبەرىلەتىن بولادى», – دەدى باقىت سۇلتانوۆ. 2019-2021 جىلدارعا ارنالعان رەسپۋبليكالىق بيۋدجەتتە ينجەنەرلىك جانە الەۋمەتتىك ينفراقۇرىلىمدى دامىتۋعا 174,5 ملرد. تەڭگە, ونىڭ ىشىندە 2019 جىلعا - 77,1 ملرد. تەڭگە ءبولۋ قاراستىرىلعان.