بۇگىن قازاق پوەزياسىنداعى الار ورنى ەرەكشە اقىن, جىراۋ, جىرشى, كسرو مەملەكەتتىك سىيلىعىنىڭ لاۋرەاتى جامبىل جاباەۆتىڭ تۋعانىنا 173 جىل تولدى.
ءوز زامانىندا شىنايى شىندىقتىڭ كوركەم سۋرەتكەرى بولعان جامبىل اقىن 1846 جىلى جامبىل وبلىسى جامبىل تاۋىنىڭ ەتەگىندە تۋعان.
جاسىنان ولەڭ-جىرعا قانىپ وسكەن, ءوز اناسى ۇلداننىڭ اقىندىق تالانتىن بويىنا سىڭىرگەن, «مەنىڭ ءپىرىم - ءسۇيىنباي...» دەپ جامبىل جاباەۆتىڭ ءوزى جىرعا قوسقانداي, ءسۇيىنباي ارون ۇلى سياقتى جىر داڭعىلىنان ءتالىم-تاربيە العان. جامبىل 1919 جىلى جەتىسۋ حالىق اقىندارى باس قوسقان سلەتكە قاتىستى. 1934 جىلى رەسپۋبليكالىق ونەر شەبەرلەرىنىڭ تۇڭعىش سلەتىندە جىر تولعاپ, تاعى ءبىر كوزگە ءتۇستى. «زامانا اعىمى», «بەلسەندىلەرگە», «قازاقستان تويىنا», «جاستار الدىنداعى ءسوز» سياقتى ارناۋ, تولعاۋلارى وسى تۇستا جىرلاندى. ونىڭ ۇزدىك شىعارمالارى 40-تان استام شەت ەلدەر تىلدەرىنە اۋدارىلدى. ۇلى جىراۋ قازاق حالقىن, ونىڭ پوەزياسىن بۇكىل الەمگە جاريا ەتتى.