باتىس قازاقستان وبلىسىندا توتەنشەلىكتەر جاتتىعۋ وتكىزدى

بيىل وڭىردە قار وتە كوپ. سينوپتيكتەر بيىلعى قىستى «سوڭعى 30 جىل ىشىندەگى ەڭ قارى كوپ ماۋسىم» دەپ وتىر. كۇنتىزبەدە كوكتەم كەلىپ قالعانىمەن, كۇن سايىن جاۋعان قار مەن سوققان بوران ەلدىمەكەندەردىڭ قوينى-قونىشىن قارعا تولتىرىپ, جولداردى بوگەپ, ەل-جۇرتتى ابىگەرگە سالىپ قويدى. «مۇنشا قار ەرىگەن كەزدە سۋعا كەتىپ قالمايمىز با؟» دەپ قاۋىپتەنگەن توتەنشەلىكتەر دايىندىعىن بارىنشا پىسىقتاپ جاتىر.

وقۋ-جاتتىعۋ بارىسىن ورال قالاسىنىڭ ىرگەسىندەگى «دۋبراۆا» كەشەنى اۋدانىندا باتىس قازاقستان وبلىستىق توتەنشە جاعدايلار دەپارتامەنتى باستىعى گەنەرال-مايور ج.جۇماشەۆ, وقۋ-جاتتىعۋدى باسقارۋ شتابىنىڭ باستىعى, بقو تجد باستىعىنىڭ ورىنباسارى, پودپولكوۆنيك ا.احمەتجانوۆ تىكەلەي قاداعالادى. ستسەناري بويىنشا «قار كۇرت ەرىپ, وعان جاۋىن-شاشىن قوسىلىپ, مۇزى ءالى تولىق كەتپەگەن وزەندەر تاسي جونەلگەن. وڭىردەگى ءىرى سۋ قويمالارىن جارىپ شىققان تاسقىن سۋ جولىنداعىنى قيراتىپ, ترانسپورتتىق كوممۋنيكاتسيالار ءب ۇلىندى. كەيبىر ەلدىمەكەندەر وتىنسىز, ازىق-ت ۇلىكسىز, مەديكامەنت پەن ەڭ كەرەكتى زاتتارسىز قالدى. ادامداردىڭ ءومىرى مەن دەنساۋلىعىنا قاۋىپ ءتوندى».

ارينە, جاماناتتىڭ بەتى اۋلاق. بىراق «ساقتانساڭ, ساقتايمىن» دەگەن عوي. وبلىس بويىنشا بارلىعى 2140 ادام جانە 676 بىرلىك تەحنيكا قاتىسقان وقۋ-جاتتىعۋ شاراسى ۇيىمشىلدىقپەن ءوتتى. «دۋبراۆا» كەمپينگى اۋماعىنداعى شاعان وزەنىنە «باتىپ كەتكەن» جەڭىل كولىك سالونىنداعى جولاۋشىلار, سۋ قويماسىنا بالىق اۋلاۋعا بارىپ, «قيىن جاعدايعا ۇشىراعان» بالىقشى دەر كەزىندە قۇتقارىلدى.

بارلىق ارنايى قىزمەت وكىلدەرى ۇيلەسىمدى قيمىلداپ, توتەنشە جاعدايدىڭ بەتىن قايتاردى. زارداپ شەككەندەرگە العاشقى مەديتسينالىق جانە پسيحولوگيالىق كومەك كورسەتىلدى.

- «كوكتەم-2019» رەسپۋبليكالىق كوماندالىق-شتابتىق وقۋ-جاتتىعۋىنىڭ ەكى كۇندىك قورىتىندىسى بويىنشا بارلىق العا قويىلعان مىندەت ورىندالدى, وقۋ-جاتتىعۋ ءوز ماقساتىنا جەتتى, - دەيدى بقو تجد ءباسپاسوز قىزمەتىنىڭ وكىلى جادىگەر قۇسايىنوۆ.

قازبەك قۇتتىمۇرات ۇلى,

«Egemen Qazaqstan»

باتىس قازاقستان