وقۋدان باس تارتىپ, ءبىلىم بەرۋ ۇيىمدارىنىڭ تىزىمىندە ەسكەرىلمەگەن, الكوگولدىك جانە ەسىرتكى زاتتارىن پايدالاناتىن كامەلەتكە تولماعانداردى انىقتاۋ جانە ولاردى پروفيلاكتيكالىق ەسەپكە قويۋ, سونداي-اق كامەلەتكە تولماعانداردى قۇقىق بۇزۋشىلىقتار مەن وزگە دە قوعامعا قارسى ءىس-ارەكەتتەردى جاساۋعا جول بەرمەۋ جانە جولىن كەسۋ ماقساتىندا, اقتاۋ قالاسى اۋماعىندا «ساباق» جەدەل-پروفيلاكتيكالىق ءىس-شاراسى وتكىزىلدى.
اقتاۋ قالاسى ءبىلىم بەرۋ ۇيىمدارىندا مەكتەپ ىشىندە ەسەپتە بارلىعى 75 بالا تۇر. ولاردىڭ تاراپىنان قۇقىق بۇزۋشىلىقتىڭ الدىن الۋ باعىتىندا پروفيلاكتيكالىق جۇمىستار جۇرگىزىلىپ جانە مەكەن-جايى بويىنشا 69 بالا تەكسەرىلىپ اتا-انالارىمەن تۇسىندىرمە جۇمىستارى جۇرگىزىلدى.
ماڭعىستاۋ وبلىسىنىڭ ءبىلىم سالاسىنداعى باقىلاۋ دەپارتامەنتىنىڭ باسشىسىنا اقتاۋ قالاسى اۋماعىندا ورنالاسقان № 8, № 20 مەكتەپتەرىنىڭ ۇستازدار تاراپىنان قر اقبتك-ءنىڭ 409-بابىندا كوزدەلگەن قۇقىق بۇزۋشىلىق بولۋىنا بايلانىستى زاڭدى شەشىم قابىلداۋ ءۇشىن ءتيستى جادىعاتتار جولداندى.
مەكتەپ مۇعالىمدەرى جۇمىس بارىسىندا جىبەرگەن قاتەلىكتەرى ءۇشىن, وزدەرىنىڭ باسقارىپ وتىرعان باسشىسى تاراپىنان تارتىپتىك شاراعا تارتىلدى. ال وسى جەدەل پروفيلاكتيكالىق ءىس-شارا كەزىندە قالا مەكتەپتەرى بويىنشا 42 ءجاسوسپىرىم ساباقتى دالەلسىز سەبەپتەرمەن جىبەرگەندىگى انىقتالدى. الداعى ۋاقىتتا جاسوسپىرىمدەردىڭ ساباققا قاتىسۋىن زەردەلەنىپ, انىقتاماسى جوق وقۋشىلار, سونداي-اق قازاقستان رەسپۋبليكاسى ءىىم بۇيرىعىنا سايكەس دالەلسىز سەبەپتەرمەن جالپى ءبىلىم بەرەتىن وقۋ ورىندارىنا بارمايتىن كامەلەتكە تولماعاندار اقتاۋ قالاسى ءىىب جپق يۋپب تىزىمدىك ەسەپكە الادى.
گۇلايىم شىنتەمىرقىزى,
«Egemen Qazagstan»
ماڭعىستاۋ وبلىسى