باسىمدىق ەش جەردە وقىمايتىن جانە جۇمىس ىستەمەيتىن, نە تابىسى تومەن جاستارعا بەرىلەدى, دەپ حابارلايدى استانا قالاسى اكىمدىگىنىڭ رەسمي سايتى.
«استانا جاستارى» جاستار رەسۋرستىق ورتالىعى جاستار كورپۋسىن دامىتۋ جوباسىن ۇيلەستىرۋ اگەنتتىگىمەن بىرلەسىپ, Zhas Project جاڭا جوباسىن ۇسىندى.
كەزدەسۋگە ون ۇكىمەتتىك ەمەس ۇيىمنىڭ 30 وكىلى قاتىستى.
Zhas Project – بۇل ءوز جوبالارىن ىسكە اسىرۋعا, وزىندىك الەۋەتىن جانە كوشباسشىلىق قاسيەتتەردى قالىپتاستىرۋعا, دامىتۋعا مۇددەلى 14 پەن 29 جاس ارالىعىنداعى جاستارعا ارنالعان حالىقارالىق قايتا قۇرۋ جانە دامۋ بانكى مەن قر ءبىلىم جانە عىلىم مينيسترلىگىنىڭ بىرلەسكەن جوباسى.
جوبادا ءتورت باعىت بار: جاستارعا الەۋمەتتىك جوبالاردى ىسكە اسىرۋعا 1 ملن تەڭگەلىك گرانتتار مەن الەۋمەتتىك ستيپەنديالاردى بەرۋ; جاستاردى ومىرلىك ماڭىزدى داعدىلارعا جانە جوبالاردى باسقارۋعا وقىتۋ; جاستاردىڭ وسال توپتارىمەن جۇمىس ىستەۋ; پروبلەمالاردى شەشۋدىڭ اقپاراتتىق-ءتۇسىندىرۋ ناۋقانىنىڭ جانە كەرى بايلانىس مەحانيزمىن ۇيرەتۋ.
جاستار ومىرلىك تاجىريبە, ءوز جوبالارىن جۇرگىزۋدى ۇيرەنۋ جانە جوبالاردى باسقارۋ سياقتى ءۇش باعىتتى وقۋدان وتەدى. ولار ءوز جوبالارىن التى اي ىشىندە جۇزەگە اسىرىپ, ستيپەنديا الادى. جوو تۇلەكتەرى – 60 مىڭ تەڭگە, قالعاندارى 40 مىڭ تەڭگە الادى. ودان بولەك, ءوز جوبالارىن جۇزەگە اسىرۋ بارىسىندا بىلىكتى مامانداردان قولداۋ الاتىن بولادى.
باسىمدىق وقىمايتىن جانە جۇمىس ىستەمەيتىن, نە تابىسى تومەن جاستارعا بەرىلەدى.
جوبانى ىسكە اسىرۋ شەڭبەرىندە كونكۋرسقا قاتىساتىن ۇيىمداردى, مەنتورلاردى ىرىكتەۋ جانە جاستارعا ارنالعان گرانتتىق بايقاۋ وتەدى.