بۇل تۋرالى پرەزيدەنت نۇرسۇلتان نازارباەۆ «نۇر وتان» پارتياسىنىڭ كەزەكتى XVIII سەزىندە ايتتى.
ء«بىز اسا اۋقىمدى تەگەۋرىندەر مەن جاھاندىق سىنداردىڭ زامانىندا ءومىر ءسۇرىپ جاتىرمىز. ءبىزدىڭ جيناپ قويعان رەزەرۆتەر كۇردەلى كەزەڭدەردە پايداعا اسۋى ءتيىس. وسى رەزەرۆتەردىڭ ارقاسىندا ءبىز وڭتۇستىك-شىعىس داعدارىسىنان 1997 جانە 2001 جىلدارداعى قيىن كەزەڭدەردەن وتتىك. ءبىز 2007-2009 جىلدارداعى داعدارىستان دا امان وتتىك. سول سەبەپتى, رەزەرۆتەر كەرەك. بىراق, قاجەت بولعان جاعدايدا بىرگە ەل يگىلىگىنە جاراتاتىن بولامىز» دەدى ەلباسى.
سونىمەن قاتار ەلباسى ءوز سوزىندە قازىرگى ۋاقىتتا قازاقستان نارىق زامانىنداعى مەملەكەتتىڭ باستى مىندەتى - ازاماتتارعا جۇمىس تاۋىپ بەرۋ ەكەنىن ايتىپ ءوتتى.
«كومەككە مۇقتاج ساناتتاعى ادامدارعا بەرىلىپ, اتاۋلى سيپاتقا يە بولۋى كەرەك. مەن بۇل ماسەلەنى جەكە باقىلاۋىما الامىن. پارتيالاستاردى دا بولىنگەن قاراجاتتى ءاربىر وتباسىعا جەتكىزۋدە باقىلاۋعا كومەكتەسۋدى سۇرايمىن. مەنىڭ تاپسىرمام بويىنشا بۇگىنگى تاڭدا ازاماتتاردى الاڭداتاتىن ماسەلەلەردى انىقتادى. ول ماسەلەلەر - بالاعا بولىنەتىن جاردەماقى, كوپبالالاى وتباسىلاردىڭ جاعدايىن جاقسارتۋ, باسپانامەن قامتۋ. پارتيانىڭ وسى ماسەلەلەردى شەشۋدەگى ماڭىزدى ۇلەسى - الەۋمەتتىك ساياساتتى ءۇش باعىت بويىنشا جۇزەگە اسىرۋ. بىرىنشىدەن, حالىقتىڭ از قامتىلعان بولىگىنىڭ كىرىسىن ارتتىرۋ جانە قولداۋ, ەكىنشىدەن, كىرىسى تومەن ازاماتتاردىڭ تۇرعىن ءۇي ماسەلەسىن شەشۋ جانە ءبىلىم, دەنساۋلىق ساقتاۋ سالاسىن جاقسارتۋ, ءۇشىنشىسى, ايماقتاردى كەشەندى تۇردە دامىتۋ» دەدى ەلباسى.
سونداي-اق پرەزيدەنت قازىرگى تاڭدا قازاقستاندىق وتباسىلاردىڭ جاعدايىن جاقسارتۋعا ماڭىز بەرۋ كەرەگىن اتاپ ءوتتى.
«وسى جىلدان باستاپ قاڭتار ايىندا بازالىق ايلىق مولشەرىن ءبىر جارىم ەسەگە وسىردىك. مۇعالىمدەردىڭ ايلىعىن 30 پايىزعا, بىلىكتىلىگىن ارتتىرعان ۇستازدارعا 50 پايىزعا ارتتىردىق. دەمەك, وسى ساناتتاعى ازاماتتاردىڭ كىرىسى ايتارلىقتاي ءوستى. بۇل باعدارمادا ءبىر ميلليون ازاماتتىق قىزمەتكەردى قامتيدى. وسى جىلدىڭ 1 شىلدەسىنەن باستاپ بيۋدجەت سالاسىنداعى ايلىعى تومەن قىزمەتكەرلەردىڭ جالاقىسىن 30 پايىزعا ارتتىرۋدى تاپسىرامىن», - دەدى نۇرسۇلتان نازارباەۆ.