ەلباسى «نۇر وتان» پارتياسىنىڭ كەزەكتى XVIII سەزىندە ۇكىمەتكە بىرقاتار تاپسىرما بەردى. سولاردىڭ ءبىرى – «نۇرلى جەر» باعدارلاماسى اياسىندا جاعدايى تومەن كوپبالالى وتباسىلارعا ارنالعان 40 000-نان اسا جالدامالى تۇرعىن ءۇي سالۋ.
ەلباسى ول ءۇشىن جىل سايىن قوسىمشا 50 ملرد تەڭگە بولىنەتىنىن مالىمدەدى.
وسى رەتتە «ۇكىمەتكە كوپ بالالى وتباسىلارعا, تولىق ەمەس وتباسىلارعا, مۇگەدەك بالالارى بار وتباسىلارعا تقجب ارقىلى 3-4 پايىزبەن تۇرعىن ءۇي نەسيەسىن بەرۋ باعدارلاماسىن ازىرلەۋدى تاپسىرامىن» دەدى مەملەكەت باسشىسى.
«بيىل الەۋمەتتىك سالاعا رەسپۋبليكالىق بيۋدجەتتىڭ 45 پايىزى جۇمسالماق. بىراق الەۋمەتتىك بلوكتا بىرقاتار ماسەلە بار. سوندىقتان مەن حالىقتىڭ ءال-اۋقاتىن جاقسارتۋ ءۇشىن ۇلتتىق قوردان اقشا ءبولۋ تۋرالى شەشىم قابىلدادىم» دەدى ن.نازارباەۆ.