2019 جىلدىڭ 20 اقپانىندا بەلارۋس رەسپۋبليكاسىنىڭ ۆولكوۆىسك قالاسىندا 1944 جىلعى شىلدەدە بەلورۋسسيانى بوساتۋ كەزىندە قايتىس بولعان كەڭەس وداعىنىڭ باتىرى, قاراعاندى وبلىسىنىڭ تۋماسى قازبەك نۇرجانوۆتىڭ قۇرمەتىنە ارنالعان 41-ءشى جەڭىل اتلەتيكا جارىسى ءوتتى.
1942 جىلدىڭ قاڭتارىندا مايدانعا اتتانعان قازبەك نۇرجانوۆ سوعىستا كورسەتكەن اسكەري ەرلىگى ءۇشىن قىزىل تۋ, داڭق وردەنى جانە ءىىى دارەجەلى «ەرلىگى ءۇشىن» مەدالىمەن ماراپاتتالعان. 1945 جىلى 24 ناۋرىزدا جوعارعى كەڭەس پرەزيديۋمىنىڭ قاۋلىسىمەن نەمىس فاشيستىك باسقىنشىلارىنا قارسى كۇرەستە جاۋىنگەرلىك مىندەتىن ۇلگىلى اتقارعانى جانە ەرجۇرەكتىلىشى ءۇشىن كەڭەس وداعىنىڭ باتىرى اتاعى بەرىلدى.
قاراعاندى وبلىسى اقتوعاي اۋدانىنىڭ اقتوعاي اۋىلىنداعى مەكتەپكە باتىردىڭ ەسىمى بەرىلگەن. قازبەك نۇرجانوۆتىڭ جەرلەنگەن جەرىندە ورنالاسقان دەرەچين اگرارلىق قالاشىعىندا باتىردىڭ اتىمەن ەسكەرتكىش تاقتا ورناتىلعان.
سونداي-اق ۆولكوۆىسك قالالىق دەپۋتاتتار كەڭەسىنىڭ 2012 جىلعى 18 قىركۇيەكتەگى № 104 شەشىمىمەن ۆولكوۆىسك قالاسىنداعى كوشەلەردىڭ بىرىنە قازبەك نۇرجانوۆتىڭ ەسىمى بەرىلدى.
جەڭىل اتلەتيكا باعدارلاماسىنىڭ 17 تۇرىنەن ءۇش جاس ساناتىندا 400-گە جۋىق جاس سپورتشىلار, ونىڭ ىشىندە ۆولكوۆىسك پەن زەلۆەنسك اۋداندارىنان سونداي-اق قاراعاندى وبلىستىق جاسوسپىرىمدەر وليمپيادالىق رەزەرۆتىك جاستار مەكتەبىنىڭ سپورتشىلارى ونەر كورسەتتى.
تۋرنيرگە قاتىسۋشىلارعا ارناپ اۋداندىق اتقارۋشى كوميتەتى ءبىلىم ءبولىمىنىڭ باستىعى ميحايل سەمەنچيك, قازاقستان رەسپۋبليكاسىنىڭ بەلارۋس رەسپۋبليكاسىنداعى ەلشىلىگىنىڭ ەكىنشى حاتشىسى تالعات رىسكەلديەۆ, اۋداندىق ارداگەرلەر كەڭەسىنىڭ توراعاسى اناتولي يگناتوۆيچ جانە باسقالار ءسوز سويلەدى.