قاراعاندى وبلىسىندا كوپبالالى انالار تۇرعىن ءۇي سەرتيفيكاتى مەن باسپانا الۋعا نەسيە الۋ مۇمكىندىگىنە يە بولدى. بۇل تۋرالى وبلىس اكىمى ەرلان قوشانوۆ ەسەپتى كەزدەسۋ بارىسىندا ءمالىم ەتتى.
– بۇگىنگى كۇندە وبلىستا باسپانا الۋ كەزەگىندە 1206 كوپبالالى وتباسى تۇر. «نۇرلى جەر» باعدارلاماسى بويىنشا ءبىز كەزەكتە تۇرعانداردىڭ 11 ساناتى ءۇشىن جىلىنا شامامەن 300 پاتەر سالامىز. ال كەزەكتە تۇرعانداردىڭ سانى بۇگىندە 36 مىڭ. ارينە, مۇنداي قارقىنمەن تاياۋ ۋاقىتتا مۇقتاج جانداردى باسپانامەن قامتاماسىز ەتە المايمىز, – دەپ اتاپ ءوتتى ءوڭىر باسشىسى.
وبلىس اكىمى بۇل باعىتتا قابىلدانعان شەشىمدەر تۋرالى ايتتى. مىسالى, كەزەكتە تۇرعان كوپبالالى وتباسىلاردى نەسيەلەندىرۋ ءۇشىن وبلىستىق بيۋدجەتتەن «تۇرعىنۇيقۇرىلىسجيناقبانكىنە» 1 ملرد تەڭگە قارجى بولىنگەن.
– جىلدىق 2% مولشەرلەمە بويىنشا 15 ملن تەڭگەگە دەيىن نەسيە قاراستىرىلعان. باستاپقى جارنا – 10%, – دەدى وبلىس اكىمى.
وسى ورايدا, 10 ملن تەڭگە تۇراتىن پاتەر الۋعا قاجەتتى 1 ملن تەڭگە بولاتىن باستاپقى جارنانى تۇرعىن ءۇي سەرتيفيكاتى جاباتىن بولادى. سوندا اي سايىنعى ورتاشا تولەم 41 مىڭ تەڭگە بولادى دەپ ەسەپتەلگەن.
سونىمەن قاتار, وبلىس اكىمى الداعى ۋاقىتتا قاراعاندى وبلىسىندا كوپ بالالى انالار قوعامدىق كولىكتە تەگىن جۇرە الاتىنىن مالىمدەدى. سونداي-اق, كوپ بالالى وتباسىلاردان شىققان وقۋشىلار تەگىن ىستىق تاماقپەن قامتاماسىز ەتىلەدى.
قايرات ءابىلدا,
«ەگەمەن قازاقستان»
قاراعاندى