اۋداندىق جاستارمەن جۇمىس جونىندەگى رەسۋرستىق ورتالىعىنىڭ ۇيىمداستىرۋىمەن «نۇروتان» پارتياسى اۋداندىق فيليالى عيماراتىندا قالاي كاسىپكەر بولۋعا بولادى تاقىرىپتا جاستارعا تۇسىنىك بەرۋ ماقساتىندا «Jas Business» سەمينارى ءوتتى.
سەمينارعا «اتامەكەن» پالاتاسى اۋداندىق فيليالى ديرەكتورى ب.دجۋماگۋلوۆا, «بيزنەس باستاۋ» باعدارلاماسىنا قاتىسىپ نەسيە الىپ, بۇگىندە جەكە كاسىپكەر اتانىپ وتىرعان ج.ابدرەشەۆالار قاتىسىپ, كاسىپكەرلىك سالاسىندا وي ءوربىتتى. بۇگىنگى تاڭداعى اۋدانعا ەڭ قاجەتتى كاسىپ كوزدەرى, مەملەكەت تاراپىنان بەرىلەتىن جەڭىلدىكتەر مەن گرانتتار, كاسىپكەرلىك سالاسىنداعى كەپىلدىكتەر سىندى تاقىرىپتار ءسوز ەتىلىپ, تابىس تابۋدىڭ جولدارى ءتۇسىندىرىلدى.
وسىنداي كەزدەسۋلەر اۋداننىڭ سارالجىن, ءبورلى اۋىلدارىندا دا ۇيىمداستىرىلدى. الدا دا جالعاسىن تابا بەرمەك.
ەرنار شاكەنوۆ
سايقىن اۋىلى