بۇگىن اۆستريانىڭ زەەفەلد قالاسىندا ءوتىپ جاتقان شاڭعى سپورت تۇرلەرىنەن الەم چەمپيوناتىندا شاڭعىمەن تۇعىردان سەكىرۋشىلەر باسەكەسى باستالادى. بۇل سىندا قازاقستاندىقتار دا جارىس جولىنا شىعادى دەپ حابارلايدى Olympic.kz.
«قاناتتى» شاڭعىشىلار اراسىنداعى ىرىكتەۋ سىنى 130 مەترلىك ترامپليندە وتەدى. تۋرنيرگە 61 سپورتشى قاتىسادى دەپ كۇتىلۋدە.
قازاقستان اتىنان ءتورت سپورتشى باق سىنايدى. ولار: گلەب سافونوۆ, سابىرجان ءمۇمىنوۆ, نيكيتا دەۆياتكين جانە جاسوسپىرىمدەر اراسىنداعى الەم چەمپيوناتىنىڭ قولا جۇلدەگەرى سەرگەي تكاچەنكو.
ءبىزدىڭ كوماندا جاستاردان جاساقتالعانىن ايتا كەتكەن ءجون. سافونوۆ 17, تكاچەنكو مەن دەۆياكتين 19 جاستا. ال ءمۇمىنوۆ 24 جاستاعى سپورتشى.
جارىس استانا ۋاقىتىمەن 19:30-دا باستالادى.