21 اقپاندا الماتىدا «دەنيس تەن – ۇلى شوۋ» دەرەكتى ءفيلمىنىڭ الدىن الا كورسەتىلىمى ءوتتى. بۇل تۋرالى Forbes.kz سايتى حابارلادى.
دەنيس تەنگە دەيىن مۇز ايدىنىنداعى شوۋ تۋرالى دەرەكتى فيلم جارىق كورمەگەن ەدى. فيلمدە «دەنيس تەن جانە دوستارىنىڭ» شوۋعا دايىندىق جۇمىسى تۋرالى بىرەگەي كادرلار كورسەتىلدى. كوڭىلدى, جىگەرلى, تارتىمدى دەنيس كوستيۋمدەردى ىرىكتەۋ, اۆتورلىق اندەر مەن مۋزىكانى جازۋ, كليپ ءتۇسىرۋ جانە مۇزداعى جاتتىعۋلاردان باستاپ, وراسان زور جوبا بويىنشا جۇمىس قالاي ءجۇرىپ جاتقانىن ايتادى.
فيلم 23 اقپاندا شەكتەۋلى پروكاتتا شىعادى. كورسەتىلىم 3 ناۋرىزعا دەيىن جالعاسادى. فيلم تەك الماتىدا كورسەتىلەدى.
جوبانىڭ اۆتورى جانە رەجيسسەرى – دەنيس تەن.
دەنيس تەن 2018 جىلى 19 شىلدەدە الماتىدا قايتىس بولدى. سپورتشى پىشاقتان العان جاراقاتتان قايتىس بولعان. 2019 جىلى 17 قاڭتاردا ءۇش سوتتالۋشىعا قاتىستى ۇكىم شىقتى. ايىپتىلار – 18 جىلعا باس بوستاندىعىنان ايىرىلدى. دەنيس تەننىڭ جاقىندارى سوت شەشىمىمەن كەلىسپەيدى. الداعى ۋاقىتتا ۇكىمگە شاعىم جاساۋعا نيەتتى.