ۇكىمەتتى ۋاقىتشا باسقارۋ اسقار مامينگە جۇكتەلدى

«قازاقستان رەسپۋبليكاسى كونستيتۋتسياسىنىڭ 70-بابىنا سايكەس قاۋلى ەتەمىن:

1.قازاقستان رەسپۋبليكاسى ۇكىمەتىنىڭ ورنىنان ءتۇسۋى قابىلدانسىن.

2. قازاقستان رەسپۋبليكاسى پرەمەر-ءمينيسترى مىندەتتەرىن ۋاقىتشا اتقارۋ اسقار ۇزاقباي ۇلى مامينگە جۇكتەلسىن.

3. قازاقستان رەسپۋبليكاسى ۇكىمەتىنىڭ مۇشەلەرى ۇكىمەتتىڭ جاڭا قۇرامى بەكىتىلگەنگە دەيىن ءوز مىندەتتەرىن اتقارۋدى جالعاستىرا بەرسىن.

وسى جارلىق قول قويىلعان كۇنىنەن باستاپ قولدانىسقا ەنگىزىلەدى», دەلىنگەن اقوردادا جاريالانعان جارلىقتا.

ا.مامين 2016 جىلى پرەمەر-ءمينيستردىڭ ءبىرىنشى ورىنباسارى بولىپ تاعايىندالعان بولاتىن.

اسقار ۇزاقباي ۇلى 1965 جىلى تۋعان. تسەلينوگراد ينجەنەر قۇرىلىسى ينستيتۋتىن, گ.ب.پلەحانوۆ اتىنداعى رەسەي ەكونوميكالىق اكادەمياسىن ينجەنەر-قۇرىلىسشى, ەكونوميست ماماندىعى بويىنشا بىتىرگەن. ەڭبەك جولىن «تسەلينتياجستروي» ترەسىندە مونتاجداۋشى بولىپ باستاعان.

1996–2008 جىلدار ارالىعىندا استانا قالاسى اكىمىنىڭ ءبىرىنشى ورىنباسارى, كولىك جانە كوممۋنيكاتسيا ۆيتسە-ءمينيسترى, يندۋستريا جانە ساۋدا ءبىرىنشى ۆيتسە-ءمينيسترى, قازاقستان رەسپۋبليكاسى كولىك جانە كوممۋنيكاتسيا ءمينيسترى, استانا قالاسىنىڭ اكىمى قىزمەتتەرىن اتقارعان.

2008 جىلعى ساۋىردەن «قازاقستان تەمىر جولى» ۇلتتىق كومپانياسى» اكتسيونەرلىك قوعامىنىڭ پرەزيدەنتى.

1998 جىلى «ەرەن ەڭبەگى ءۇشىن» مەدالىمەن, 2006 جىلى «قۇرمەت» وردەنىمەن, 2011 جىلى ەكىنشى دەڭگەيلى «بارىس» وردەنىمەن, 2010 جىلى ورىس پراۆوسلاۆيەلىك شىركەۋىنىڭ اۋليە كنياز ماسكەۋلىك ءدانيلدىڭ 3-دەڭگەيلى وردەنىمەن, 2013 جىلى فرانتسۋز رەسپۋبليكاسىنىڭ قۇرمەتتى لەگيونى جانە لاتۆيا رەسپۋبليكاسىنىڭ «تانىم كرەستى» ەكىنشى دەڭگەيلى وردەنىمەن, 2014 جىلى يسپانيا كورولدىگىنىڭ «ازاماتتىق ەڭبەگى ءۇشىن» ءبىرىنشى دەڭگەيلى وردەنىمەن ماراپاتتالعان.