ءماجىلىس توراعاسى نۇرلان نىعماتۋلين اۋستريا رەسپۋبليكاسىنا رەسمي ساپارى بارىسىندا اۋستريا ۇلتتىق كەڭەسىنىڭ توراعاسى ۆولفگانگ سوبوتكامەن كەلىسسوزدەر جۇرگىزدى.
كەزدەسۋ بارىسىندا تاراپتار قازاقستان تاۋەلسىزدىك العان كۇننەن باستاپ ەكى ەل اراسىندا سىنداردى جانە تۇراقتى بايلانىس ورناعانىن اتاپ ءوتتى. ءماجىلىس توراعاسىنىڭ پىكىرىنشە, اۋستريا قازاقستان ءۇشىن ەۋروپالىق وداقتاعى نەگىزگى ارىپتەستەردىڭ ءبىرى, سوندىقتان ەلدەر اراسىنداعى ەكى جاقتى ىنتىماقتاستىقتى ودان ءارى تەرەڭدەتۋ ماڭىزدىبولىپ تابىلادى.
ن.نىعماتۋلين اتاپ وتكەندەي, قوس مەملەكەت باسشىلارىنىڭ رەسمي ساپارلارى جان-جاقتى ىقپالداستىقتى كۇشەيتۋدىڭ بەرىك ىرگەتاسىن قالادى. قازىرگى ۋاقىتتا ەكى ەل اراسىنداعى ساۋدا اينالىمى ءبىر ميلليارد ەۆرونى قۇرايدى. بۇگىندە قازاقستان اۋستريا ايماعىنداعى ەڭ ماڭىزدى ساۋدا سەرىكتەسى بولىپ تابىلاتىنى ءسوزسىز دەي كەلىپ, ۇلتتىق كەڭەستوراعاسى ۆولفگانگ سوبوتكا ەلدەر اراسىنداعى ساياسي ديالوگتى ودان ءارى ارتتىرۋعا نيەتتى ەكەنىن جەتكىزدى.
وتكىزىلگەن كەلىسسوزدەر بارىسىندا ن.نىعماتۋلين مەن ۆ.سوبوتكا بەيىندى كوميتەتتەر مەن ىنتىماقتاستىق جونىندەگى توپتار دەڭگەيىندە پارلامەنتارالىق ءوزارا ءىس-قيمىلدى ودان ءارى نىعايتۋدى, زاڭنامالىق تاجىريبە الماسۋ جونىندەماڭىزدى كەلىسىمدەرگە قول جەتكىزدى.
سونىمەن بىرگە, ساۋدا-ەكونوميكالىق بايلانىستار, يننوۆاتسيا, ەكونوميكانى تسيفرلاندىرۋ, «جاسىل تەحنولوگيا», تۋريزم, اۋىل شارۋاشىلىعى مەن مادەني-گۋمانيتارلىق سالانىڭ الەۋەتتىك باعىتتارىن زاڭنامالىق سۇيەمەلدەۋدىڭ ماڭىزدىلىعىنا نازار اۋدارىلدى. ءماجىلىس توراعاسىنىڭ ايتۋىنشا بۇگىندە قازاقستان رەسپۋبليكاسى مەن ەۋروپالىق وداق اراسىنداعىىنتىماقتاستى جانە ارىپتەستىكتى كەڭەيتۋ تۋرالى كەلىسىمنىڭ الەۋەتى زور. بۇل كەلىسىمدى اۋستريا رەسپۋبليكاسى دا راتيفيكاتسيالادى.
سونداي-اق, سپيكەرلەر حالىقارالىق جانە پارلامەنتارالىق ۇيىمدار اراسىندا بايلانىستى نىعايتۋ تۋرالى دا كەلىسىمگە كەلدى. وعان قازاقستاندىق پارلامەنت وكىلدەرىنىڭ ەقىۇ پارلامەنتتىك اسسامبلەياسى قىزمەتىنە بەلسەنە ارالاسۋى جانە اۋستريالىق ارىپتەستەرمەن ەتەنە ءىس قيمىل جاساۋى وڭ ىقپالىن تيگىزەدى.
وسى رەتتە, ۆ. سوبوتكا: - ەقىۇ-عا مۇشە بولۋىمىز ءبىزدىڭ قاتىناسىمىزداعى ەڭ مىقتى تەتىك رەتىندە باعالايمىن, - دەدى.
قازاقستاننىڭبىراز ۋاقىتتان بەرى حالىقارالىق قوعامداستىقتىڭ تولىق مۇشەسى رەتىندە تابىستى جۇمىس ىستەپ كەلە جاتقانى دا قىزىعۋشىلىق تۋعىزادى. وعان مىسال رەتىندە, 2010 جىلى استانادا وتكەن ەقىۇ ءسامميتىن جانە اۋستريا ەلى دە قاتىسقان ەكسپو-2017 حالىقارالىق كورمەسىن اتاپ وتۋگە بولادى.
ءوز سوزىندە ۆ.سوبوتكا ەۋروپالىق وداقتىڭ جاڭا ستراتەگياسىورتالىق ازيا ءۇشىن قازاقستانمەن ىنتىماقتاستىقتا الەۋەتتەردى باعىندىرۋعا مۇمكىندىك بەرەدى دەي وتىرىپ, تۇراقتى دامۋ مەن جاستار ماسەلەسىنە ەرەكشە كوڭىل ءبولدى. وسىعان بايلانىستى, ءماجىلىس توراعاسى قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ بەيبىتشىلىك پەن حالىقارالىق قاۋىپسىزدىكتى نىعايتۋعا باعىتتالعان اۋقىمدى باستامالارىنا ايرىقشا نازار اۋداردى. جاستاردىڭ زاماناۋي رولىنە توقتالعان ءماجىلىس سپيكەرى وسى جىلدىڭ قاڭتار ايىندا قازاقستاندا «جاستار جىلى»اشىلعانىن اتاپ ءوتتى.
- قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ ءبىلىمدى جاستار ەلدىڭ جاھاندىق باسەكەگە قابىلەتتىلىگىنىڭ باستى فاكتورى ەكەنىن ايتتى. بۇگىندە ءبىزدىڭ ەلىمىز تسيفرلى تەحنولوگيالىق دامۋعا باتىل قادام جاساۋدا. سوندىقتان جاستاردى قولداۋ جونىندەگى كەشەندى شارالار مەملەكەتتىك ساياساتتىڭ باسىم باعىتى بولىپ تابىلادى», - دەدى ن.نىعماتۋلين.
كەزدەسۋ سوڭىندا ءماجىلىس توراعاسى نۇرلان نىعماتۋلين اۋستريا پارلامەنتى ۇلتتىق كەڭەسىنىڭ توراعاسى ۆولفگانگ سوبوتكانى 2019 جىلعى 23-24 قىركۇيەكتە استانا قالاسىندا وتەتىن ەۋرازيا ەلدەرى پارلامەنتتەرى توراعالارىنىڭ ءتورتىنشى وتىرىسىنا قاتىسۋعا شاقىرۋ حاتىن تابىستادى.
ن.نىعماتۋليننىڭ ايتۋىنشا, بۇل قازاقستاندىق جانە اۋستريالىق پارلامەنت وكىلدەرىنىڭ اراسىنداعى ىنتىماقتاستىقتى ودان ءارى نىعايتۋعا مۇمكىندىك بەرەدى.