شىمكەنت قالالىق ساۋلەت باسقارماسى جانىنان جاڭا مەملەكەتتىك-كوممۋنالدىق مەكەمە – «شىمكەنتپلان» قۇرىلدى. جاڭا قۇرىلىم قالا كوشەلەرىنىڭ بارلىعىن ساۋلەتتىك تۇرعىدا رەتكە كەلتىرۋ ءۇشىن جاساقتالعان. شتاتتا ديزاينەرلەر, توپوگرافتار جانە ساۋلەتشىلەردەن قۇرالعان 26 ادام جۇمىس ىستەيدى.
ۇيىمنىڭ باستى ماقساتى – شاھار كەلبەتىنە قاتىستى جوبالىق جوسپارلاردى دايىنداۋ.
سونداي-اق, شاھار تۇرعىندارىنا ىڭعايلى بولۋ ءۇشىن اتالعان مەكەمەنىڭ سايتى دا ىسكە قوسىلعان. ينتەرنەت رەسۋرستى جاساۋشىلار تسيفرلاندىرۋ ناتيجەسىندە جەر تەلىمدەرىن ساتۋ-ساتىپ الۋ بارىسىنداعى كوپتەگەن تۇيتكىلدەر الداعى ۋاقىتتا وڭتايلى شەشىلەدى دەيدى. بۇعان قوسا سايتتان نىساننىڭ مەكەنجاي انىقتاماسىن الىپ, «قىزىل» سىزىققا تۇسەتىن ۋچاسكەلەر تۋرالى مالىمەتتى كورىپ, بىلۋگە بولادى.
وسىلايشا قالالىق ساۋلەت باسقارماسىنان الاتىن قاجەتتى انىقتامانى تۇرعىندار ەندى ۇيدەن شىقپاي-اق الا الادى.
نۇرشات توكەن,
«Egemen Qazaqstan»
شىمكەنت