بيىلعى جىلى قاراعاندى وبلىسىندا دارىگەرلەرگە 63 پاتەر بەرىلەدى. ول جايلى ايماقتىق كوممۋنيكاتسيالار قىزمەتى الاڭىندا وتكەن بريفينگ بارىسىندا قاراعاندى وبلىسى دەنساۋلىق ساقتاۋ باسقارماسىنىڭ امبۋلاتورلىق-ەمxانالىق كومەكتى دامىتۋ جانە ۇيلەستىرۋ ءبولىمىنىڭ جەتەكشىسى دانا بايكەنوۆا مالىمدەدى.
- وبلىستاعى اۋرۋxانالار مەن ەمxانالاردا قازىرگى تاڭدا 97 دارىگەرلەر جەتىسپەيدى. ول - نەوناتولوگتار, انەستەزيولوگتار, اكۋشەر-گينەكولوگتار, سونداي-اق جالپى تاجىريبە دارىگەرلەرى. الايدا دەنساۋلىق ساقتاۋ باسقارماسىنىڭ كادرلاردى جۇمىلدىرۋ باعدارلاماسى ءوز ناتيجەلەرىن بەرىپ جاتىر. وتكەن جىلى وبلىسقا 333 دارىگەر كەلدى, 260 - جاس ماماندار, - دەيدى دانا بايكەنوۆا.
بايانداماشىنىڭ ايتۋىنشا, مامانداردى تارتۋ ءۇشىن دەنساۋلىق ساقتاۋ باسقارماسى 2016-شى جىلدان بەرى ولارعا باسپانا بەرە باستاعان. 2016-شى جىلى دارىگەرلەر 4 پاتەر العان, 2017 جىلى - 26 پاتەر.
- 2018-ءشى جىلى بالقاشتا جانە ساراندا جاس ماماندار 27 پاتەر الدى. سونىمەن قاتار وسى جىلدىڭ سوڭىنا دەيىن تاعى 63 پاتەر بەرىلەدى. قونىس تويلارىن اباي, شاحتينسك, جەزقازعان جانە قاراعاندى, سونداي-اق اقتوعاي اۋدانىنداعى دارىگەرلەر تويلايتىن بولادى, - دەپ اتاپ ءوتتى دانا بايكەنوۆا.
2020 جىلى دەنساۋدىق ساقتاۋ باسقارماسى قاراعاندىدا, تەمىرتاۋ, جەزقازعان جانە قارقارالىدا 210 پاتەر بەرۋدى جوسپارلاپ وتىر.