بانگلادەش استاناسى داككادا ءتورت قاباتتى تۇرعىن ءۇي ورتەنىپ, 81 ادام قايتىس بولدى. بۇل تۋرالى The Bangladesh Observer گازەتى حابارلادى.
ۇلتتىق ءورت قىزمەتىنىڭ باسشىسى الي احمەد «قازا تاپقانداردىڭ سانى بۇدان دا كوپ بولۋى مۇمكىن. ىزدەۋ جۇمىستارى جالعاسىپ جاتىر» دەدى.
سوڭعى اقپاراتتارعا سۇيەنسەك, وقيعا داككا قالاسىنىڭ ەسكى اۋداندارىنىڭ بىرىندە بولعان. عيماراتتىڭ ءبىرىنشى قاباتىندا حيميكاتتار قويماسى بولعان. ءورت كورشى عيماراتتارعا دا جەتكەن.