بۇگىن ماجىلىستە قارجى جانە بيۋدجەت كوميتەتى «قازاقستان رەسپۋبليكاسىنىڭ كەيبiر زاڭنامالىق اكتiلەرiنە وڭالتۋ جانە بانكروتتىق راسىمدەرىن جەتiلدiرۋ ماسەلەلەرى بويىنشا وزگەرiستەر مەن تولىقتىرۋلار ەنگiزۋ تۋرالى» زاڭ جوباسىن تالقىلاۋعا ارنالعان دوڭگەلەك ۇستەل وتىرىسىن وتكىزدى.
ءىس-شارانىڭ نەگىزگى ماقساتى - ۇكىمەتتىڭ پارلامەنت قاراۋىنا ۇسىنعان زاڭنامالىق قۇجاتتاردىڭ نەگىزگى تۇجىرىمدامالىق اسپەكتىلەرىن تالقىلاۋ. وسى ماسەلەلەردى شەشۋ قازاقستاندىق ىشكى نارىقتىڭ دۇرىس جۇمىس ىستەۋىنە وڭ اسەر ەتۋى كەرەك, - دەدى جۇمىس توبىنىڭ جەتەكشىسى, دەپۋتات ەكاتەرينا نيكيتينسكايا.
ءىس-شارادا قارجى مينيسترلىگى مەملەكەتتىك كىرىستەر كوميتەتى توراعاسى ورىنباسارىنىڭ م.ا. ءمادي تاكيەۆ, «اتامەكەن» ۇلتتىق كاسىپكەرلەر پالاتاسىنىڭ باسقارۋشى ديرەكتورى, زاڭناما دەپارتامەنتىنىڭ ديرەكتورى لاۋرا مەرساليموۆا وڭالتۋ جانە بانكروتتىق راسىمدەردى جەتiلدiرۋ ماسەلەلەرىنە قاتىستى بايانداما جاسادى.
ءوز كەزەگىندە بايانداما جاساعان دەپۋتات ەكاتەرينا نيكيتينسكايا زاڭ جوباسىمەن جۇمىس بارىسىندا وڭالتۋ جانە بانكروتتىق راسىمدەردىڭ تيىمدىلىگىن ارتتىرۋعا بايلانىستى مىندەتتەردىڭ شەشىلۋ جولدارىن ۇسىندى. اتاپ ايتقاندا, بانكروتتىق جانە وڭالتۋ راسىمدەرىن قولدانۋدىڭ ەكونوميكالىق نەگىزدەمەسىن جاساۋ, بيزنەسكە ارنالعان ينۆەستيتسيالىق تاۋەكەلدەردى تومەندەتۋ جانە جالپىعا بىردەي قابىلدانعان حالىقارالىق ستاندارتتارعا سايكەس ينۆەستيتسيالاردىڭ ساقتالۋىن قۇقىقتىق قامتاماسىز ەتۋ, سونداي-اق, ناقتى سەكتوردى جىلدام قالپىنا كەلتىرۋ مۇمكىندىگى سياقتى باسقا دا بىرقاتار ۇسىنىس ايتتى.
ۇكىمەت وڭتايلاندىرۋ جانە بانكروتتىق راسىمدەرىن جەتىلدىرۋ جونىندەگى زاڭنامالىق تۇزەتۋلەردىڭ جوباسىن 2018 جىلدىڭ سوڭىندا ءماجىلىس قاراۋىنا ۇسىنعان. ونىڭ نەگىزگى باعىتتارىنىڭ ءبىرى - وڭالتۋ جانە بانكروتتىق راسىمدەرىن قولدانۋ نەگىزدەرىن جەڭىلدەتۋ. وتىرىس بارىسىندا دەپۋتاتتار قاساقانا جانە جالعان بانكروتقا ۇشىراتىپ, «كرەديتورلارعا م ۇلىكتىك زيان كەلتىردى» دەپ بىرىكتىرەتىن زاڭ جوباسىنىڭ ەرەجەلەرىنە, سونداي-اق, قاساقان بانكروتتىق جاسايتىندار مەن ونىڭ جاۋاپكەركىشىلىگىنە قاتىستى ماسەلەلەرگە ەرەكشە نازار اۋداردى.
ءىس-شارا قورىتىندىسى بويىنشا وتىرىسقا جەتەكشىلىك ەتكەن ءماجىلىستىڭ قارجى جانە بيۋدجەت كوميتەتىنىڭ ءتورايىمى گۇلجان قاراعۇسوۆا تالقىلاۋ بارىسىندا ايتىلعان ۇسىنىستار جۇمىس توبىندا ەسكەرىلەتىندىگىن جەتكىزدى.