بۇگىن شىمكەنت قالاسىنىڭ پوليتسيا دەپارتامەنتىندە دەپارتامەنت باستىعى, پوليتسيا پولكوۆنيگى ەرالى جۇماحانبەتوۆ 16 اقپانىندا قۇرساي مولتەك اۋدانىنداعى جاڭاقۇرىلىس كوشەسىندە ورىن العان ورتتەن سابيلەردى امان الىپ قالعان 13 جاستاعى باقىتجان بەركىنبايعا قر ىشكى ىستەر مينيسترىلىگىنىڭ ارنايى ماراپاتىن تاپسىردى.
وسىلايشا ىشكى ىستەر ءمينيسترى, پوليتسيا گەنەرال-مايورى ەرلان تۇرعىمباەۆتىڭ بۇيرىعىمەن شىمكەنتتىك باقىتجان بەركىنبايعا «ورتتە كورسەتكەن قايسارلىعى ءۇشىن» مەدالى جانە اتا-اناسىنا «ادام ءومىرىن قۇتقارۋدا ەرلىك جاساعان بالاسىنا ۇلگىلى ءارى ونەگەلى تاربيە بەرگەنى ءۇشىن» العىس حاتى تابىستالدى.
ەسكە سالار بولساق, 8 سىنىپتا وقيتىن بالا باقىتجان وتقا ورانعان بولمەگە قورىقپاي كىرىپ, ءبىر شەتتە قورقىپ وتىرعان 6 جاسار قىز بەن 3 جاسار بالانى قۇتقارىپ قالعان ەدى.
كەزدەسۋ سوڭىندا دەپارتامەنت باستىعى ءوزىنىڭ جانە جەكە قۇرامنىڭ اتىنان وتانشىل ۇل تاربيەلەپ وسىرگەن اتا-اناسىنا جانە ءبىلىم بەرۋشى ۇستازدارىنا العىس ءبىلدىردى. ءارى, جاس باتىر ءوزىنىڭ ەرلىگىنىڭ, ەر جۇرەكتىگىنىڭ ارقاسىندا بارلىق قۇرداستارىنا ۇلگى بولعاندىعىن اتاپ ءوتتى.
ءتىپتى, ۆەدومستۆو باسشىسى باقىتجانعا بولاشاقتا پوليتسيا ماماندىعىن تاڭداسا, ءوز تاراپىنان قولداۋ كورسەتۋگە دايىن ەكەندىگىن ايتتى.
نۇرشات توكەن,
«Egemen Qazaqstan»
شىمكەنت