تەننيستەن ەرلەر اراسىنداعى ەلىمىزدىڭ ءبىرىنشى راكەتكاسى ميحايل كۋكۋشكين فرانتسيانىڭ مارسەل قالاسىندا ءوتىپ جاتقان جۇلدە قورى 744 010 ەۆرونى قۇراعان تۋرنيردە ءساتتى ونەر كورسەتۋدە.
تۇساۋكەسەر كەزدەسۋىندە ول ۋكراينادان اقش-قا قونىس اۋدارعان الەمنىڭ 61 راكەتكاسى دەنيس كۋدلانى قاپى قالدىرعان بولاتىن. كەلەسى كەزەڭدە جەرلەسىمىزدىڭ جولى اتر رەيتينگىندە 25 ورىندا تۇرعان دەنيس شاپاۆالوۆپەن قيىستى. ول يزرايلدە تۋىپ-وسكەنىمەن, قازىرگى كەزدە كانادانىڭ نامىسىن قورعاۋدا. بۇل باسەكەدە دە ميحايل كۋكۋشكيننىڭ اسىعى الشىسىنان ءتۇستى. ەسەپ – 6:4, 7:6. ەندى ءبىزدىڭ ورەن شيرەك فينالدا يتاليالىق ماتتەو بەررەتينني مەن رەسەيلىك اندرەي رۋبلەۆ اراسىنداعى باسەكەنىڭ جەڭىمپازىمەن كۇش سىناسادى.
عالىم سۇلەيمەن,
«Egemen Qazaqstan»