كەز كەلگەن يننوۆاتسيالىق ءونىمنىڭ ادام ءومىرىن جاقسارتۋ مەن ونىڭ ساپاسىن ارتتىرۋعا باعىتتالاتىنى بەلگىلى. جاڭا ونەرتابىستىڭ پايداسى حاقىندا كوپ ساۋالدىڭ بار ەكەنى ايدان انىق, دەگەنمەن تەحنولوگيا جاڭالىقتارىنسىز كۇندەلىكتى ءومىردى ەلەستەتۋ قيىن.
مۇنداي «پروگرەسس سىيلارىنا» بۇگىنگى تاڭدا ۇيرەنشىكتى كىر جۋعىش ماشينالارى مەن توڭازىتقىشتار, ليفت پەن ءاۆتوموبيلدىڭ قاۋىپسىزدىك كوپشىكتەرى, پلانشەتتەر مەن سمارتفوندار جاتادى.
شىلىم ءوندىرىسى سالاسىندا دا تەمەكىنى قىزدىرۋدىڭ يننوۆاتسيالىق جۇيەلەرى وسىنداي جاڭالىققا اينالدى. بۇل جۇيەنى ازىرلەۋشىلەر شىلىمدى تۇتىنۋشى زياندى زاتتاردى نيكوتينمەن ەمەس, جانۋ بارىسىندا تۇزىلەتىن ونىمدەرمەن الادى دەگەن دەرەكتى باستى ورىنعا قويادى. سەبەبى سوڭعى جىلدارداعى زەرتتەۋلەر ناتيجەسىندە, تەمەكىنى تۇتىنۋداعى جانۋ پروتسەسىن الىپ تاستاۋ ارقىلى زياندى 90-95 %-عا ازايتۋعا مۇمكىندىك تۋىپ وتىر. بۇل دەرەكتىڭ وزەكتىلىگىن شىلىم ءتۇتىنى مەن تەمەكىنى قىزدىرۋ جۇيەسىن پايدالانۋ كەزىندە بولىنەتىن زاتتاردى سالىستىرا جۇرگىزىلگەن زەرتتەۋلەر دە راستايدى. دەسەك تە, يننوۆاتسيالىق جۇيەنىڭ پايدالانىلۋى اعزانىڭ بيولوگيالىق كورسەتكىشتەرىنە قالاي اسەر ەتەتىنىن انىقتاۋ ءۇشىن ودان دا ۇزاق زەرتتەۋلەر تالاپ ەتىلەتىنى جاسىرىن ەمەس.
ءدال وسى سيپاتتا IQOS تەمەكىنى قىزدىرۋدىڭ ەلەكتر جۇيەسىنە جۇرگىزىلگەن كلينيكالىق زەرتتەۋلەر ونىڭ پايدالانىلۋى اعزاعا قالاي اسەر ەتەتىندىگى تۋرالى حابار بەرەدى. وسى رەتتە «فيليپ مورريس ينتەرنەشنل» كومپانياسى Exposure Response Study (ERS – اعزانىڭ اسەر ەتۋگە رەاكتسياسىن زەرتتەۋ) اتتى كلينيكالىق زەرتتەۋىن IQOS تەمەكىنى قىزدىرۋدىڭ ەلەكتر جۇيەسىنە قاتىستى باستاعان بولاتىن. التى ايعا سوزىلعان كەڭ اۋقىمدى زەرتتەۋ ناتيجەلەرى IQOS-تى پايدالانۋعا كوشۋ كەزىندە تۇتىنۋشىنىڭ كلينيكالىق كورسەتكىشتەرى تەمەكى شەگۋدەن تولىق باس تارتقانداي بولاتىنىن انىق كورسەتتى.
ERS كلينيكالىق زەرتتەۋى اقش-تىڭ 13 جەتەكشى تاۋەلسىز مەديتسينا ورتالىقتارىن قامتىدى جانە وعان مىڭداعان تەمەكى شەگۋشىلەر قاتىستى. زەرتتەۋ تارتىبىنە سايكەس, ولار كەزدەيسوق تۇردە ەكى توپقا ءبولىندى: ءبىرىنشى توپ قاتىسۋشىلارى كادىمگى تەمەكىنى تۇتىندى, ال ەكىنشى توپ قاتىسۋشىلارى IQOS جۇيەسىن پايدالانۋعا كوشتى. زەرتتەۋ بارىسىندا 8 باعىت بويىنشا قاۋىپ-قاتەرلەر باعالاندى. ولار نەگىزىنەن تەمەكى شەگۋمەن ءداستۇرلى تۇردە بايلانىستىرىلاتىن اۋرۋلارعا سايكەس تاڭدالعان بولاتىن, اتاپ ايتقاندا, جۇرەك پەن وكپە اۋرۋلارى. سونىمەن بىرگە, قابىنۋ مەن توتىعۋ سياقتى اعزاداعى پروتسەسكە دەگەن اسەرلەر دە باعالاندى.
قورىتىندىلاي كەلگەندە, زەرتتەۋ ءوزىنىڭ نەگىزگى گيپوتەزاسىن راستادى – IQOS جۇيەسىن پايدالانۋعا كوشكەن ادامدار توبىنداعى بارلىق كورسەتكىشتەردىڭ ديناميكاسى تەمەكى شەگۋدەن تولىق باس تارتقانداي كورسەتكىشتەرگە سايكەس بولدى.
«بۇل زەرتتەۋلەردىڭ ناتيجەلەرى ۇمىتتەندىرەتىنى راس. ءبىز IQOS جۇيەسىنە قاتىستى زەرتتەۋدىڭ تەمەكىنى قىزدىرۋ جۇيەسىن تاڭداعان ادامدارعا ارنالعان ءتۇتىنسىز ونىمدەردىڭ تومەندەتىلگەن قاۋىپ-قاتەر الەۋەتىن تىكەلەي باعالايتىن, كەڭ اۋقىمداعى العاشقى كلينيكالىق تاجىريبە ەكەندىگىنە سەنىمدىمىز. سوڭعى ناتيجەلەرگە كوز سالساق, ولار قاۋىپ-قاتەردىڭ تومەندەتۋ باعىتىن نۇسقايدى», – دەپ اتاپ ءوتتى فمي مەديتسينالىق بولىمشەسىنىڭ باسشىسى فرەنك ليۋەديك.
جالپى, عىلىمي قاۋىمداستىق تاراپىنان باعا الۋ ءۇشىن زەرتتەۋ ناتيجەلەرى ءار ءتۇرلى حالىقارالىق عىلىمي كونفەرەنتسيالار مەن فورۋمداردا نازارعا ۇسىنىلعان بولاتىن.