ءنۇردىلدا وراز ىشكى ىستەر ءمينيسترىنىڭ كەڭەسشىسى ءارى رەسمي وكىل-ءباسپاسوز حاتشىسى قىزمەتىنە تاعايىندالدى.
ءنۇردىلدا سەرىك ۇلى 1981 جىلى دۇنيەگە كەلگەن. ءال-فارابي اتىنداعى قازاق ۇلتتىق ۋنيۆەرسيتەتىن, قر ءىىم قاراعاندى اكادەمياسىن بىتىرگەن.
ەڭبەك جولىن الماتىداعى «يۋسا» تەلەارناسىنىڭ ءتىلشىسى بولىپ باستاعان. «31 ارنا» تەلەارناسى «ينفورمبيۋرو» جاڭالىقتار ءبولىمىنىڭ جۇرگىزۋشىسى, «استانا» تەلەارناسىنىڭ رەداكتور-جۇرگىزۋشىسى, رەپورتەر-ساراپشىسى, «قازاقستان» ۇلتتىق ارناسىنىڭ جاڭالىقتار جۇرگىزۋشىسى, «اپتا.kz» باعدارلاماسىنىڭ جۇرگىزۋشى-رەداكتورى بولعان.
2007 جىلى ىشكى ىستەر ورگانىنا اۋىسىپ, استانا قالالىق ىشكى ىستەر دەپارتامەنتى ءباسپاسوز قىزمەتىنىڭ باستىعى, مەملەكەتتىك ءتىل جانە اقپارات ءبولىمىنىڭ باستىعى, دەپارتامەنت باستىعىنىڭ ءباسپاسوز حاتشىسى قىزمەتتەرىن اتقاردى.
ىشكى ىستەر مينيسترلىگى مەملەكەتتىك ءتىل جانە اقپارات دەپارتامەنتىنىڭ ديرەكتورى-ءمينيستردىڭ ءباسپاسوز حاتشىسى, كەيىننەن رەسمي وكىلى, باس پروكۋراتۋراسى اپپارات باسشىسىنىڭ ورىنباسارى, «ورت-ەۋرازيا» تەلەارناسى باس ديرەكتورىنىڭ ورىنباسارى بولدى.