سارسەنبى, 7 ناۋرىز 2012 8:03
كوپشىلىككە بەلگىلى, ەلىمىزدە جيناقتاۋشى زەينەتاقى قورىن ودان ءارى جەتىلدىرۋ جانە دامىتۋ ماسەلەسى مەملەكەت باسشىسىنىڭ قازاقستاندىقتارعا جولداعان بيىلعى جولداۋىندا اتاپ ايتىلعان بولاتىن. ەلباسىنىڭ بۇل تاپسىرماسىن دايەكتىلىكپەن جۇزەگە اسىرۋدا «استانا» جيناقتاۋشى زەينەتاقى قورىنىڭ تابىسى مول. ەڭ باستىسى, «استانا» قورى بۇل سالاداعى كوشباسشىلىق ۇستانىمىن تاعى دا دالەلدەپ شىقتى, ياعني «استانا» جيناقتاۋشى زەينەتاقى قورى – قازاقستاندا «ك2 (12) كورسەتكىشى بويىنشا ينفلياتسيانى ەڭسەرگەن بىردەن-ءبىر قۋاتتى قور اتاندى. انىعىراق ايتقاندا, «استانا» جزق قازاقستاننىڭ زەينەتاقى قىزمەتى نارىعىندا كىرىسى جاعىنان التى اي بويى العى شەپتەن كورىنۋدە.
سارسەنبى, 7 ناۋرىز 2012 8:03
كوپشىلىككە بەلگىلى, ەلىمىزدە جيناقتاۋشى زەينەتاقى قورىن ودان ءارى جەتىلدىرۋ جانە دامىتۋ ماسەلەسى مەملەكەت باسشىسىنىڭ قازاقستاندىقتارعا جولداعان بيىلعى جولداۋىندا اتاپ ايتىلعان بولاتىن. ەلباسىنىڭ بۇل تاپسىرماسىن دايەكتىلىكپەن جۇزەگە اسىرۋدا «استانا» جيناقتاۋشى زەينەتاقى قورىنىڭ تابىسى مول. ەڭ باستىسى, «استانا» قورى بۇل سالاداعى كوشباسشىلىق ۇستانىمىن تاعى دا دالەلدەپ شىقتى, ياعني «استانا» جيناقتاۋشى زەينەتاقى قورى – قازاقستاندا «ك2 (12) كورسەتكىشى بويىنشا ينفلياتسيانى ەڭسەرگەن بىردەن-ءبىر قۋاتتى قور اتاندى. انىعىراق ايتقاندا, «استانا» جزق قازاقستاننىڭ زەينەتاقى قىزمەتى نارىعىندا كىرىسى جاعىنان التى اي بويى العى شەپتەن كورىنۋدە.
كۇن تارتىبىندە تۇرعان, مىنە وسى جانە وزگە دە ماسەلەلەر جونىندە «استانا» جزق-نىڭ الماتىدا ءوتكەن باسپاسوز ءماسليحاتىندا جان-جاقتى ءسوز بولدى. بۇل باسقوسۋدا «استانا» قورى ديرەكتورلار كەڭەسىنىڭ ءتورايىمى, «تساتەك» اق پرەزيدەنتى گۇلنارا ارتامباەۆا, «استانا» جزق باسقارما ءتوراعاسى اندرەي كارياگين, «سبەربانك» جەكە تۇلعالاردى نەسيەلەندىرۋ دەپارتامەنتىنىڭ باستىعى رومان گونچاروۆ قوردىڭ بۇگىنگى احۋالى جانە كەلەشەگى تۋرالى باياندادى. سالا باسشىلارىنىڭ ايتۋىنشا, 2012 جىلدىڭ 1 اقپانىنداعى مالىمەتتەر بويىنشا, 12 ايدا ك2 تابىس كوەففيتسيەنتى 60 پايىزعا جەتكەن, مۇنىڭ ءوزى قازاقستان رىنوگىنداعى ورتاشا كورسەتكىشتەن ەكى ەسە جوعارى (2,59 %), «استانا» جزق رەسپۋبليكا بويىنشا ك2 (12) كورسەتكىشى بويىنشا ينفلياتسيانى ەڭسەرگەن بىردەن-ءبىر قور اتاندى. وتكەن جىلدىڭ قاڭتار جانە 2012 جىلعى قاڭتار ايلارى ارالىعىندا قورداعى زەينەتاقى سالىمدارىنىڭ سانى 67 ميلليارد تەڭگەگە جۋىق ارتىپ, 140 ميلليارد تەڭگەگە جەتتى. وعان قوسا, قورداعى سالىمداردىڭ ءوسۋ قارقىنى دا جوعارى, بۇگىنگى تاڭدا قور سالىمشىلارىنىڭ سانى 534 مىڭنان استى, ءسويتىپ وتكەن جىلدىڭ باسىنان بەرى تۇسكەن ينۆەستيتسيالىق تابىس مولشەرى 9,7 ميلليارد تەڭگە, ال زەينەتاقى ءتولەمدەرى 3,8 ميلليارد تەڭگەگە جەتتى.
قوردىڭ جارعىلىق كاپيتالىن ارتتىرۋ تۋرالى شەشىمدى ونى نىعايتۋ ماقساتىندا جاسالعان ماڭىزدى قادام دەۋگە بولادى, ويتكەنى, جارعىلىق كاپيتال قوردىڭ ستراتەگيالىق دامۋ ءمۇمكىندىكتەرىنىڭ ينديكاتورى بولىپ تابىلادى. ال, ونى ءوسىرۋ – اكتسيونەرلەردىڭ ءوز بيزنەسىنىڭ دامۋىنا دەگەن سەنىمىن ارتتىرىپ, سالىمشىلارعا كورسەتىلەتىن قىزمەت تۇرلەرىن ءارى قاراي جەتىلدىرە تۇسۋگە مۇمكىندىك بەرمەك.
– جارعىلىق كاپيتالدىڭ ارتۋى – قور دامۋىنداعى ماڭىزدى قادامداردىڭ ءبىرى, «استانا» جزق-نىڭ اي سايىن قۋاتىنىڭ ارتىپ, تابىستى كومپانياعا اينالىپ كەلە جاتقانىن كورىپ وتىرمىز. «استانا» قورىنىڭ تابىستى دامۋعا مۇمكىندىگى جەتكىلىكتى, مەن بۇعان سەنىمدىمىن جانە كۇن سايىن كوبەيىپ كەلە جاتقان سالىمشىلارىمىزدىڭ الدىنداعى جاۋاپكەرشىلىگىمىز دە كۇشەيەدى. سوندىقتان دا الداعى ۋاقىتتا جۇمىس قارقىنىن ارتتىرماقپىز, – دەدى «استانا» قورى ديرەكتورلار كەڭەسىنىڭ توراعاسى, «تساتەك» اق پرەزيدەنتى گۇلنارا ارتامباەۆا ءوز ويىن ورتاعا سالىپ.
شىن مانىندە دە قور ءۇشىن ماڭىزدى باعىتتاردىڭ ءبىرى – بيزنەس-پروتسەستەردى دامىتىپ, تەحنولوگيالىق شەشىمدەر ارقىلى كورسەتىلەتىن قىزمەت ساپاسىن دا جاقسارتۋ بولىپ وتىر. قور زاڭ تالاپتارىن ورىنداۋ ماقساتىندا مۋلتيقورجىن جۇيەسىن ەنگىزدى. بۇل سالىمشىنىڭ ءوز اكتيۆتەرىن ينۆەستيتسيالىق ستراتەگيا – ورنىقتى جانە كونسەرۆاتيۆتىك ينۆەستيتسيالىق قورجىندار نەگىزىندە باسقارۋعا ءمۇمكىندىك بەرەدى. سونىمەن قاتار, ءبىزدىڭ كليەنتتەرىمىز «سالىمشى بولمەسى» قىزمەتىن پايدالانىپ, ءوز سالىمدارىن ينتەرنەت ارقىلى باقىلاي الادى. «سالىمشى ءبولمەسىنىڭ» قالاي جۇمىس ىستەيتىنى تۋرالى تولىق اقپاراتتى «استانا» جزق-نىڭ كەڭسەسىنەن نەمەسە www.astananpf.kz سايتىنان تابۋعا بولادى.
– سالىمشىلار وزدەرىنىڭ زەينەتاقى جيناقتارىنىڭ ءتيىمدى باسقارىلۋىن قالايدى. «استانا» جيناقتاۋشى زەينەتاقى قورى قۇرىلعان كۇننەن باستاپ سالىمشىلاردىڭ وسى تالاپتارىنا جاۋاپ بەرۋدى باستى ماقسات ەتكەن بولاتىن, – دەدى «استانا» جزق باسقارما توراعاسى اندرەي كارياگين. – سوندىقتان دا ءبىز ابدەن ويلاستىرىلعان, بەلسەندى ينۆەستيتسيالىق ساياساتتىڭ ءناتيجەسىندە ەلدەگى زەينەتاقى قورلارىنىڭ اراسىندا ينۆەستيتسيالىق تابىس جاعىنان تاعى ءىرى جەتىستىكتەرگە جەتىپ وتىرمىز. سوعان وراي كليەنتتەرگە كورسەتىلەتىن قىزمەت ساپاسىن جاقسارتىپ, سالىمشىلارعا قولايلى بولۋى ءۇشىن ولارمەن اشىق جۇمىس ىستەۋگە ۇنەمى كوڭىل بولەمىز.
قور «سبەربانك» اق ەب-مەن ستراتەگيالىق باعىتتا سەرىكتەستىك ورناتتى. بانك قور سالىمشىلارىنا قارجىلىق قىزمەت پەن بانكتىك ءونىمدەر بويىنشا قولايلى مۇمكىندىكتەر تۋعىزىپ وتىر. «ءبىز قارقىندى دامىپ كەلە جاتقان «استانا» جزق-نىڭ جۇمىسىن قولدايمىز» دەيدى «سبەربانك» اق ەب جەكە تۇلعالارعا نەسيە بەرەتىن دەپارتامەنتىنىڭ باستىعى رومان گونچاروۆ:
– ءبىزدىڭ بانك قورمەن سەرىكتەستىك شەڭبەرىندە «استانا» جزق سالىمشىلارىنا بىرقاتار قىزمەت تۇرلەرىن ۇسىنادى. ماسەلەن, قوردىڭ ءاربىر كليەنتى تومەن پايىزبەن تۇتىنۋ نەسيەسىن الا الادى, ونىڭ پايىزدىق مولشەرلەمەسى ستاندارتتى نەسيەمەن سالىستىرعاندا ءبىر پايىزعا تومەن. سونىمەن قاتار, بانك نەسيەنى الدىن-الا ماقۇلداۋ جوسپارىن جاساپ شىققان. سبەربانك «استانا» قورىنىڭ وزگە بانكتەردىڭ قىزمەتىن پايدالاناتىن سالىمشىلارىنا دا كومەكتەسۋگە, ولاردىڭ بۇرىن العان نەسيەلەرىن قايتا قارجىلاندىرۋعا دايىن. سونىمەن قاتار, سبەربانك زاڭدى جانە جەكە تۇلعالار ءۇشىن تولەم كارتالارى بويىنشا ايرىقشا قىزمەت تۇرلەرىن ۇسىنادى. بۇل سەرىكتەستىك قور سالىمشىلارى ءۇشىن پايدالى ءارى قىزىقتى بولادى دەپ ويلايمىن.
ءسوز رەتى كەلگەندە ايتا كەتەتىن تاعى ءبىر جايت, «استانا» جزق-نىڭ سالىمشىلار سانى 534 مىڭنان اسىپ, زەينەتاقى اكتيۆتەرى 140 ميلليارد تەڭگەنى قۇرايدى. سونىمەن, رەسپۋبليكا زەينەتاقى جۇيەسىندە سالىمشىلار سانى جاعىنان ءتورتىنشى, ال زەينەتاقى اكتيۆتەرى جاعىنان التىنشى ورىنداعى «استانانىڭ» الداعى اسۋلارى بيىك ەكەندىگىنە كوپشىلىكتىڭ سەنىمى مول.
باقىت بالعارينا,
الماتى.